MATHI 5:3 - AMÜSÜH HÜM CL Bible (BSI)

³ “Me ching zholümde alarübo asühpü, tümüde yinmi kiulongthsü arü yo.

MATHI 5:3 Iomraidhean Croise

2 KIUTHSÜYUKHEAN 33:12

Api lümthsünü ching lachoki apinü anihbuh Thrünpuh, Atungpuh ki tamkhüntamnü tüsho anihbuh jipürü Thrünpuh miki tode azhihayihde kam.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

2 KIUTHSÜYUKHEAN 34:27

tümütüsho nünü ha dangpung tüsho ha ching larü azhihde api yubo sochoki nü mulong müthri tüsho Thrünpuh miki azhihayihde kam, tüsho nü khim thorüpde I miki trip, inü she nü ki sojihdo, Atungpuhnü thachoh.

2 KIUTHSÜYUKHEAN 7:14

I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

MUNGSHIKHÜN 1:1

Mihtsürü shepünü mihbukmuyuk lümthiyan ching mütsahcho, yungsho aneakrü limro ching müzhipcho, yungsho luhmünerü binkiu kheak mübinchonü asühpü;

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 146:5

Shepü nihbuh arung Jakob Thrünpuh kheak lanü asühpü, shepü mulonglam Atungpuh api Thrünpuh la,

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 34:18

Atungpuh ju mulong tukthsürü thüninde lah, tüsho me thsümünima larü khümkhitchoh.

MUNGSHIKHÜN 41:1

Shepünü zhochihrü lümrhihde lachonü asühpü; Atungpuhnü küpkhuk kim ching api rungbah.

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

MÜCHITMUDU 16:19

Kükheangküyangrü lung ayankhikhi chama lukhi kheaknü a zhochihrü lung azhihayihde alakhi atsübe.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

MÜCHITMUDU 8:32

Jumonü kheakü, I ki aniang I tsührübo, tümüde sherünü I limrobo zochonü müngühmühi.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 11:6

Tüsho shepü I dünkheak müdukiuhlonü müngühmühi.”

MATHI 13:16

“Tüshe nüsa mükbo tüsho nüsa nükhünbo müngühmühi, tümüde arünü ngüchoh tüsho sochoh;

MATHI 19:14

Tüshe Jisunü tha, “Azürü aninibo I kilim arüshang, tüsho arü düyanlo; tümüde yinmi kiulongthsü harü yo ah.”

MATHI 24:46

Nihbuh putungrü arüchoki, ju rhimode alakhi ngürü yamlarü asühpü.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 8:11

Tüsho aniakhiuklim le aniyüzahlimnü ahihdo arübah yinmi kiulongthsü ching Abraham, Isak, tüsho Jakob ki binbah de inü nüsa ki thachoh.

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

LUKNÜ ATHRÜTKHI THIYUSHEAK-ATSÜ HUHTANYU 22:29

Tüsho I Buhnü I kheak jihkhi nangde inü nüsa kheak kiulongthsü khülang jihchoh,

LUKNÜ ATHRÜTKHI THIYUSHEAK-ATSÜ HUHTANYU 22:30

junangde nüsanü I kiulongthsü ching I dükhüm kheak tsühyungbah, tüsho Israel trük thürükheak mahne mahkhapde kiulongthsü-binkiubo kheak binbah.”

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

JOHAN 20:29

Jisunü api ki tha, “Thoma, tümütüsho nünü I ngümonü kindo. Shepünü müngü tütüshe kindünü müngühmühi.”

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

JAKOB 1:10

tüsho alarünü azhihayihkhi ching lashang, tümütüsho mütüm sangbün nangde api tsoabahbah.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.