MATHI 5:22 - AMÜSÜH HÜM CL Bible (BSI)

²² Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MATHI 5:22 Iomraidhean Croise

THRÜNTAN 37:4

Tüshe küyimki arü abuhnü akeoniorübo alala kheaknü api alü muzhokhi akhiung pürünü angükhea, arünü api mükheahnede kam, tüsho api ki amuzho yu müthakhukde alakheah.

THRÜNTAN 37:8

Akhiung pürünü api ki tha, “Nünü isa kurungkheak kiulongthsüpü? Yungsho nünü isa kurungkheak yakzan shuhpü?” Jumonü api milimbo tüsho api yubo dünkheaknü arünü alü api mükheahnede kam.

2 SAMUEL 16:7

Shimeinü athruchoki zhi, “Akhiukang! Akhiukang! Mihlaksahrü! Mihbukmuyuk!

2 SAMUEL 6:20

Davidnü api yamkhün müngühjihpü alode yü. Tüshe Saul tsührü Mikalnü api shorupü akhiukbah tha, “Khihni Israel kiulongthsüpuhnü küdükhüh she nihbuh zangrü wüntre jihcho, makharü mihtsürü khürünü nihbuh zangrü achih ngüa lukhi nangde, nihbuh yamlaberübo mük ki khihni azangrü achih ngüa ludo!”

1 KIULONG THSÜRÜ 21:4

Jezreelrü Nabothnü api ki thakhi dünkheaknü Ahabnü abukakhiukde tüsho mulong zhipzhipde thüyam lim yü; tümüde apinü tha, “Isa jipürü yamrüplurüp inü nü müjih.” Apinü ayapkiu kheak yapbah api miro anguhabah, tüsho müyimtsüh.

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 19:5

Apinü chipi ayünkhi Juda kiuto alala abande lomi ching mahkhaprü zojih,

NEHEMIA 5:8

Tüsho arü ki tha, “Isanü akukthülün keoniorü Jihudarü khiungkerü ki yinkhi rhokhitlodo, nüsa dokhühnü she nihbe keoniorü yinba de? Yungsho arü ju isa ki yinba de?” Limberübo ju jikshe müthsüdebah tüsho athapü tümü müyimkhit.

MUNGSHIKHÜN 109:3

Arü athranean yubonü I mükamdoa lah, tüsho amudopü mülade I bede thirithsüdo.

MUNGSHIKHÜN 14:1

Makharünü api mulong ching thachoh, “Thrünpuh müla.” Arü athsümünim lah, arünü athraneanbe rhimochoh, atsü rhimorü she müla.

MUNGSHIKHÜN 25:3

Nü aleangrü sheshe achih düngüshih; nü azhihrübo achih ngüshang.

MUNGSHIKHÜN 35:19

Akeangyu tharü I riribonü I kurungkheak dasühachihshih; yungsho amütsan mülade I thraneanrünü mük dathrapshih.

MUNGSHIKHÜN 37:8

Mulong düsansan yungsho bukdakhiuk, junü küpkhuk lim lang bechoh.

MUNGSHIKHÜN 49:10

Tümüde lümlung larü mihtsürü shekhi apinü ngüchoh; junangde makharü tüsho lümduhrü mihtsürü dükheakchoh, tüsho arü lakhit püpürü kilim zojihchoh.

MUNGSHIKHÜN 69:4

Amütsan mülade I thraneanrü I kuyü kheaknü ahihbe ah; amudopü mülade I thsümünimpü yimrü I riribo ahihdo lah. Inü mahühkhi shakpü I kheak thsungkihchoh.

MUNGSHIKHÜN 7:4

inü I müyambuh kheak amütsü rhimoa lasho yungsho amütsan mülade I riri yankhia lua lasho,

MUNGSHIKHÜN 92:6

Lümzülümdo mülakhi mihtsürünü mümükheah, yungsho makharünü ha manikhit.

MÜCHITMUDU 14:16

Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

MÜCHITMUDU 18:6

Makharü münküpbonü anihbuh kilim rukachihpü hande arüchoh, tüsho api münnü kinga lupü münitchoh.

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

TÜZHOKHI 3:52

Akeangnü I riribonü wuhnu khülang nangde I phuhdo;

DANIEL 3:13

Nebukednezarnü bukakhiukde Shadrak, Meshak tüsho Abednego bedarüpü thiyukhüm jih. Jumonü arü mihtsürü mahsam ju kiulongthsüpuh miki bedarü,

DANIEL 3:19

Judüki Nebukednezarnü Shadrak, Meshak tüsho Abednego kheak mulong zhipzhip, tüsho arü ki api yakli müthriabah. Apinü motru ju püpüki kheaknü thüne ki alü takshihpü thiyukhüm jih,

OBADIA 1:10

Nü niurü Jakob laksahkhi tüsho thiyih bukkhi dünkheak achihnü nü zhidobah, tüsho nü lünnü lipkhia bahbah.

OBADIA 1:12

Tüshe nünü api kuhi mütsükhi nimung nü keoniorü mükhenopü lado; nünü Juda mihtsürü thsümünim nimung masühachihpü lado; lümthsünü nimung nünü mükükheangpü lado.

MATHI 10:17

Tüshe mihtsürübo dünkheak kümkangang, tümüde arünü nüsa kiuthsü-binkiubo kilim jihbah tüsho sinagogbo ching nüsa rhapbah.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 18:21

Judüki Peter arü tüsho api ki tha, “Atungpuh, I keoniorünü I azhihde neak yihbeaksho inü api neak küdükhüh ki bahjihba? Thüne ki khiungde a shi?”

MATHI 18:35

Junangde nüsanü nüsa mulong chingnü nüsa keoniorü neak mübahjihsho, yinmi ching labuh I Buhnü nüsa mihbüm aban ki rhimobah.”

MATHI 23:15

Nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürü khülang mulong müthrishihpü alomi tüsho keto hode tsahchoh, tüsho küyimki nüsanü api kukbanü, api ju nüsa kheaknü alü athsümüchi tsührü kamshihchoh.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 26:59

Kheakü amükeam putungrübo, azothsürübo, tüsho kiuthsü-binkiu alalanü api sheshihpü Jisu azhihde arükchih thiyumütsan yim,

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

MATHI 5:34

Tüshe inü nüsa ki thachoh, yinmi tamde thiyuchihchim düthsü, tümüde ju Thrünpuh kiulongthsü-binkiu ah;

MATHI 5:44

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang,

MARK 14:55

Tüsho amükeam putungrübo le kiuthsübinkiu alalanü Jisu azhihde api sheshihpü yim, tüshe tümü müyimkhit.

MARK 15:1

Yapsu nahde amükeam putungrübonü azothsürü le yakzan thsangyurü tüsho kiuthsübinkiu alala bebah küdangkhi la; tüsho arünü Jisu rhükbah bede yünü Pilat kilim jih.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

LUKNÜ ATHRÜTKHI THIYUSHEAK-ATSÜ HUHTANYU 22:66

Ayinkhi akede, mihtsürü azothsürübo, amükeam putungrübo tüsho yakzan thsangyurübo rukhüh arübah arü kiuthsü-binkiu ching beyukbah tha,

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

JOHAN 7:20

Mihtsürübonü alo tüsho tha, “Nü a amünean me lah. Shepünü nü laksahpü yimcho?”

JOHAN 8:48

Judüki Jihudarünü alo tüsho api ki tha, “Nü Samariarü ah tüsho nü amünean me lah de isanü lungkide mütha de?”

YUNIRÜBO RHIMO 17:18

Epikur tüsho Stoik lümlung-yimrü khürünü she api shoru. Tüsho khürünü tha, “Mudukmükerünü tümü thacho?” Püpürünü tha, “Apinü khiungkerü thrünpuhbo dünkheak thachoh khunuh.” Arünü ha tha tümütüsho Paulnü Jisu tüsho arhang kamlokhi dünkheak thsangyuthsangra.

YUNIRÜBO RHIMO 22:30

Ashidopü Jihudarünü Paul müdamkhi yimkhitpü mulongde limthobuhnü api dükhe tüsho amükeam putungrübo le kiuthsübinkiu alala mukhungpü thiyukhüm jih, tüsho Paul bede akibah arü miki zhipshih.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 24:20

Yungsho I kiuthsü-binkiu miki zhipchoki inü amütsü rhimokhi arünü I kheak ngüa lasho ha ching larünü thashang,

YUNIRÜBO RHIMO 4:15

Tüshe küyimki arünü ane kiuthsü-binkiu chingnü wungdo wukhiukpü thiyukhüm jihkhea, arünü arü bolung atsangachih,

YUNIRÜBO RHIMO 5:21

Küyimki arünü ju sokheanü yapsu mükikde arüngyam ching yüzahbah thsangyu. Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih.

YUNIRÜBO RHIMO 5:27

Küyimki arübo bede arükheanü, arünü kiuthsü-binkiu miki zhipshih, tüsho achangbe amükeambuhnü arü ki keokhi,

YUNIRÜBO RHIMO 6:12

Jumonü arünü mihtsürübo le azothsürübo tüsho yakzan thsangyurübo thurumusu. Arünü Stephen rambah kiuthsübinkiu miki bedarü.

YUNIRÜBO RHIMO 6:15

Kiuthsü-binkiu ching binrü alalanü Stephen kheak kheahkihde kheah, tüsho amiro ju yunirü miro nangde ngü.

YUNIRÜBO RHIMO 7:37

Mosa hanü Israelrü ki tha, ‘Apinü I bemusukhi nangde Thrünpuhnü nüsa thsungkheak wukihrü khülang nüsa keoniorü bolungnü akhiukshihbah.’

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

1 KORINT 6:6

Tüshe keoniorünü keoniorü azhihde mahkhappung ching amükinrü miki yüchoh!

YUZÜNGTHALO 15:11

Tümüde zhochihrübo alomi chingnü küyimkishe mükheam; jumonü inü nüsa ki thiyukhüm jihchoh, nünü nü lomi ching nüsa keoniorü zhochihrü tüsho mülamüthsürü kilim nü khah trünang.

YUZÜNGTHALO 16:18

“Atungpuh nüsa Thrünpuhnü ajihkhi chipimurungbo ching nüsanü mahkhaprü tüsho atorübo nüsa trükbo yande moyukang, tüsho arünü thiyuro mahkhapkhi yande mihtsürübo ki mahkhapbah.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

JAKOB 2:20

Nü makha mihtsürü, rhimobo mübesho akin ju akeangkeang de nünü thiyumütsan lunela de?

JAKOB 3:6

Tüsho mulo ju mo ah. Ha isa pang shihcham bolung amütsü lomi, pang athrünkhi thsümünimjihde, thsümüchi chingnü arükhi mo kheak rhangdung athrünkhi yihkih-a takchoh.

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

1 JOHAN 2:9

Shepünü api ayin ching lah de thabah keoniorü thraneanchonü kheakü khiungde amiting ching lah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;