MATHI 5:19 - AMÜSÜH HÜM CL Bible (BSI)

¹⁹ Shepünü harü thiyukhüm bolung aninibe thsümünimcho, tüsho jude athsüpü püpürü ki thsangyuchonü yinmi kiulongthsü ching aninibe de ajibah, tüshe shepünü rhimocho tüsho harü yukhümbo thsangyuchonü yinmi kiulongthsü ching atobe de ajibah.

MATHI 5:19 Iomraidhean Croise

MUNGSHIKHÜN 119:128

Jumonü lüpdükhi thsungkheak nü yukhüm alala alungki de inü lümchoh; amülim limro alala inü thraneanlah.

MUNGSHIKHÜN 119:6

Judüki inü nü yukhümbo alala kheak kheahchoki I achih müngü.

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

MATHI 11:11

Atsütsü inü nüsa ki thachoh, aliberübonü zübekhi bolung Johan Baptijihbuh kheaknü atobe masürüyi; tüshe shepü yinmi kiulongthsü ching aninibe lanü api kheaknü atobe ah.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 20:26

Tütüshe nüsa bolung a jude müthsü; tüshe nüsa bolung shepünü atobe kampü künlanü api ju nüsa yamlarü thsüshang.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

LUKNÜ ATHRÜTKHI THIYUSHEAK-ATSÜ HUHTANYU 1:15

Tümüde api ju Atungpuh miki ato labah, tüsho yukhu yungsho amüshangbe muyung. Api ju abe nuyam chingnü Amüsüh Menü mide alabah.

LUKNÜ ATHRÜTKHI THIYUSHEAK-ATSÜ HUHTANYU 11:42

“Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 9:48

tüsho arü ki tha, “Shepünü I mung chingnü ha azürü nunu leangkhichonü I leangkhichoh; tüsho shepünü I leangkhichonü I arüshihbuh leangkhichoh. Tümüde nüsa bolung shepü aninibeanü atobe ah.”

YUNIRÜBO RHIMO 1:1

Amuzho Theophila: Inü akhuhbe hüm ching thrütkhi ju Jisunü arhimopü tüsho thsangyupü tankihkhi alala dünkheak,

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

ROMRÜ KILIM PAULNÜ ATHRÜTKHI KIHÜM HUHTANYU 6:1

Dale tüsho isanü tümü thaba? Mihmüthsüm suhdahpü thsüde isanü neak ching mutuklode alabea shi?

ROMRÜ KILIM PAULNÜ ATHRÜTKHI KIHÜM HUHTANYU 6:15

Dale tüsho tümü a? Isa yakzan khüp müla tüshe mihmüthsüm khüp lamonü isanü neak yihbeakba shi? Jude yung!

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 27:26

“‘Shepünü ha yakzan tüsho thsangyukhibo manibanü muthrumünean thsang.’ Tüsho mihtsürü alalanü athabah, “Amen!”

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

1 JOHAN 3:4

Neak yihbeakrü abannü yakzan thsümünimkhi amülim lah; neak ju yakzan thsümünimkhi ah.

AMIKHEAKAKHIUKKHI 2:20

Tüshe inü nü azhihde ha lah: Anihbe küdahnü Thrünpuh yunirü ah de jia lukhi Jezebel kheak arümkheamchoh. Anihbe thsangyukhinü I tankihrübonü müzammüram rhimoshihde tüsho sangthsübo ki kingaünkhi tsühyungbe tsühshihde bemüchihdo.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.