MATHI 5:18 - AMÜSÜH HÜM CL Bible (BSI)

¹⁸ Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MATHI 5:18 Iomraidhean Croise

MUNGSHIKHÜN 102:26

Arübo adükheakbah, tüshe nü a rünkhiungbah; arü alala khimmih nangde amürhütbah; khimmih nangde nünü arü müthribah, tüsho arübo amüthribah.

MUNGSHIKHÜN 111:8

Jurü lünnü lün düküngde zhiplah, thiyuro tüsho alungki ching rhimoa lah.

MUNGSHIKHÜN 119:152

Inü nü yakzan thsükhibo dünkheak adüsonü mükheahdo; nünü jurü lünnü alapü thsüjih.

ISAIA 40:8

Sangrung yiuhchoh, sangbün keamkhichoh; tüshe isa Thrünpuh yu lünnü azhipbah.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

MATHI 10:15

Tsükjide inü nüsa ki thachoh, mahkhap nimung Thrünpuhnü ju kiuto kheaknü Sodom tüsho Gomorra mihtsürü ki alü amüthsüm huhbah!

MATHI 10:23

Küyimki nüsa kiuto khülang ching thsümüchibanü, püpü khülang ching akhinang. Mihtsürü Tsührü marüchoki Israel kiuto alala ching nüsa rhimo mübande alabah.

MATHI 10:42

Tüsho sherünü harü anini bolung khülang kilim I jingyanrü thsümonü kerüng pungkhüh lang she aduhbanü, inü nüsa ki thiyuro thachoh, tsükjide api thsambah müdükheak.”

MATHI 11:11

Atsütsü inü nüsa ki thachoh, aliberübonü zübekhi bolung Johan Baptijihbuh kheaknü atobe masürüyi; tüshe shepü yinmi kiulongthsü ching aninibe lanü api kheaknü atobe ah.

MATHI 13:17

tümüde inü nüsa ki tsükjide thachoh, nüsanü angükhi tüsho asokhi wukihrübo tüsho thiyuro-lungki mihtsürübo ahihdonü ngünelah tüsho sonelah, tüshe müngü tüsho muso.

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 17:20

Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

MATHI 18:18

“Inü nüsa ki atsütsü thachoh, nüsanü tümüpürü alomi kheak rhükbanü yinmi ching rhükbah, tüsho nüsanü tümüpürü alomi kheak trünbanü yinmi ching trünbah.

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

MATHI 19:23

Tüsho Jisunü api jingyanrübo ki tha, “Atsütsü inü nüsa ki thachoh, alarü mihtsürü khülangnü yinmi kiulongthsü ching yüzahpü chaklah.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 21:21

Tüsho Jisunü arü ki alo, “Atsütsü inü nüsa ki thachoh, nüsa akin lasho tüsho mudukiuhlosho, khubasodung kheak rhimokhi lang nüsanü mürhimo tüshe ‘Ha shuh-a keto ching jipa bahang’ de ha müzüng ki thasho, ju arhimobah.

MATHI 21:31

Mahne bolung shepünü abuhnü alümkhi rhimokhea?” Arünü alo, “Akhuhbuhnü.” Jisunü arü ki tha, “Atsütsü inü nüsa ki thachoh, ruk-threrü tüsho müzammüramrübo nüsa müngühnü Thrünpuh kiulongthsü ching yüchoh.

MATHI 23:36

Atsütsü inü nüsa ki thachoh, harü alala ha lünkhe kheak arübah.

MATHI 24:2

Tüsho Jisunü arü ki tha, “Nüsanü harü alala müngü de? Atsütsü inü nüsa ki thachoh: ha dangpung ching lung khülang she maningde keamabahbah.”

MATHI 24:47

Atsütsü inü nüsa ki thachoh, apinü anihbuh kukrukbo alala kurungkheak api zojihbah.

MATHI 25:12

Tüshe apinü tha, ‘Atsütsü inü nüsa ki thachoh, inü nüsa mümükheah.’

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 25:45

Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

MATHI 5:26

Inü nüsa ki thiyuro thachoh, nünü akheamkhibe shonak khiungde müjihyikia nü ju chingnü makhiuk.

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

MATHI 6:2

Jumonü nüsanü müthsümülarü ki jihchungchoki, mihtsürübonü wüntre jihshihpü yiuhkhaprübonü sinagogbo tüsho kiudunglimrobo ching rhimokhi nangde hulipung-pungbo dükhung. Inü nüsa ki thiyuro thachoh, arü thsambah ngüabahdo.

MATHI 8:10

Küyimki Jisunü ha sokhea, api müyinsah tüsho api dunglim yanrübo ki tha, “Inü nüsa ki thiyuro thachoh, ha ruk akin ato lakhi inü Israel ching müngü.

MARK 10:15

Atsütsü inü nüsa ki thachoh, shepünü azürü anini nangde Thrünpuh kiulongthsü müleangkhibanü ju ching küyimkishe müyüzah.”

MARK 10:29

Jumonü Jisunü alojihde tha, “Atsütsü inü nüsa ki thachoh, I tüsho thiyusheakatsü dünkheaknü thüyam yungsho khiungmungrü yungsho chiniurü yungsho abuh yungsho abe, yungsho niuberü yungsho tsührübo yungsho alobo bahjihrü she müla,

MARK 11:23

Atsütsü inü nüsa ki thachoh, shepünü ha müzüng ki, ‘Shuhakhinang tüsho keto ching jipyukang’ de thacho, tüsho api mulong ching müdukiuhlode apinü tümü thachonü adünjipü kinsho, api thsungkheak ju rhimobah.

MARK 12:43

Jumonü apinü ajingyanrübo jibah tha, “Atsütsü ha zhochihkhi khimoberünü rahpungyam ching yukrü alala kheaknü alü yukdo de inü nüsa ki thachoh;

MARK 13:30

Atsütsü inü nüsa ki thachoh, harü alala müdünjiyikia ha lün hode mutso.

MARK 14:18

Arü binbah yimtsühde alachoki, Jisunü tha, “Atsütsü inü nüsa ki thachoh, I lung yimtsühkhi nüsa khülangnü I yinatsühbah.”

MARK 14:25

Atsütsü inü nüsa ki thachoh, inü Thrünpuh kiulongthsü ching aso muyungyi khiungde kheaküa inü ha muyunglo.”

MARK 14:30

Tüsho Jisunü api ki tha, “Atsütsü khihni inü nü ki thachoh, khihre thununü mahne ki mukhungyide, nünü I mahsam ki malokhide alabah.”

MARK 14:9

Atsütsü inü nüsa ki thachoh, alomiküp kürü ching ha thiyusheak-atsü thsangyuthsangrabanü, ha liberünü arhimokhi she anihbe lümkhitde athabah.”

MARK 3:28

“Atsütsü inü nüsa ki thachoh, mihtsürü tsührübo kilim neak alala tüsho arünü tümüpürü mükhemürangyu thabanü abahjihbah;

MARK 6:11

Tüsho sherünü nüsa müleangkhiba yungsho nüsa ki maniba, nüsa ju chingnü chamachihchoki arü azhihkhi thiyumütsan thsüde nüsa jing kheaknü asungthulung adankhia bahang.”

MARK 8:12

Tüshe apinü me chingnü sükde lümbah tha, “Tümü thsükhi ha lünnü amütsan kheangcho? Atsütsü inü nüsa ki thachoh, ha lün kilim amütsan tümü müjih.”

MARK 9:1

Tüsho apinü arü ki tha, “Atsütsü inü nüsa ki thachoh, nüsa ha ching zhiprü khürü a wu chingnü Thrünpuh kiulongthsü arükhi müngüyikia müshede alabah.”

MARK 9:41

Nüsa Khrista yo thsümonü shepünü nüsa kilim ke pung khülang jih-a yungshihbanü, atsütsü inü nüsa ki thachoh, küdüküdü she api thsambah müdükheak.

LUKNÜ ATHRÜTKHI THIYUSHEAK-ATSÜ HUHTANYU 11:51

Abel thiyih kheaknü kingaün sadam le arüngakopung dükeak bukkhi Zekaria thiyih khiungde. Am inü nüsa ki thachoh, ha lün thsümüchibah.

LUKNÜ ATHRÜTKHI THIYUSHEAK-ATSÜ HUHTANYU 12:37

Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

LUKNÜ ATHRÜTKHI THIYUSHEAK-ATSÜ HUHTANYU 13:35

Kheahang! Nü yam zhikrangkhündo lah; tüsho atsütsü inü nü ki thachoh, ‘Shepü Atungpuh mung ching arüchonü api müngühmühi’ de nünü müthayi kim khiungde nünü I müngü.”

LUKNÜ ATHRÜTKHI THIYUSHEAK-ATSÜ HUHTANYU 16:17

Yakzan yo thiyumük khülang yihkhita bahpü kheaknü a thüning le alomi dükheakpü athülihbe ah.

LUKNÜ ATHRÜTKHI THIYUSHEAK-ATSÜ HUHTANYU 18:17

Atsütsü inü nüsa ki thachoh, azürü anini khülang nangde shepünü Thrünpuh kiulongthsü müleangkhinü, küyimkishe ju ching müyüzah.”

LUKNÜ ATHRÜTKHI THIYUSHEAK-ATSÜ HUHTANYU 18:29

Jumonü apinü arü ki tha, “Atsütsü inü nüsa ki thachoh, shepünü Thrünpuh kiulongthsü dünkheaknü thüyam yungsho berübuhrü yungsho keoniorü yungsho niuberü yungsho tsührübo bahjihdünü,

LUKNÜ ATHRÜTKHI THIYUSHEAK-ATSÜ HUHTANYU 23:43

Tüsho Jisunü api ki tha, “Atsütsü inü nü ki thachoh, khihni nü I lung asühpung ching labah.”

LUKNÜ ATHRÜTKHI THIYUSHEAK-ATSÜ HUHTANYU 4:24

Tüsho apinü tha, “Atsütsü inü nüsa ki thachoh, wukihrü sheshe nihbuh lomi ching a müleangkhichoh.

JOHAN 1:51

Tüsho apinü anihbuh ki tha, “Atsütsü inü nü ki thachoh, ha dunglim nünü yinmi khimshuhbah Thrünpuh yunirübo Mihtsürü Tsührü kheak yükihla akila dükhi ngübah.”

JOHAN 10:1

Atsütsü inü nüsa ki thachoh, “Shepünü ripit chingnü yungde püpü limronü künde namfimihnubo yam ching yüzahchonü ahührü tüsho jangkhijangrarü ah.

JOHAN 10:7

Judüki Jisunü arü ki tha, “Atsütsü inü nüsa ki thachoh, I namfimihnu ripit ah.

JOHAN 12:24

Atsütsü inü nüsa ki thachoh, wheat hi ju alo ching ayobah müshikhitsho, ju ruk lang lachoh; tüshe ju shikhitsho, junü hi ahihdo mukhuhshihchoh.

JOHAN 13:16

Atsütsü inü nüsa ki thachoh, yamlarü khülang ju api putungrü kheaknü atobe yung; yungsho shepü thiyia lanü api thiyibuh kheaknü atobe yung.

JOHAN 13:38

Jisunü api ki alo, “I dünkheaknü nünü nü rhangdung jihba de? Atsütsü inü nü ki thachoh, nünü mahsam ki I malokhiyi khiungde thununü mukhung.

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

JOHAN 16:20

Atsütsü inü nüsa ki thachoh, nüsa atripbah tüsho atüzhobah, tüshe alomi a asühachihbah; nüsa mulong rozhakbah, tüshe nüsa mulong rozhak ju asühachihpü ching müthribah.

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 21:18

Atsütsü inü nü ki thachoh, küyimki nü athunu lakhea, nü küdah thsüde khimmih yihbah nünü amulongkhi lim tsah; tüshe küyimki nü ashinbanü, nünü nü khahbo chungbah, tüsho püpürünü nü khimmih yihjihbah tüsho nünü mümulongkhi lim bede ayübah.”

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 6:26

Jisunü arü ki alo tüsho tha, “Atsütsü inü nüsa ki thachoh, nüsanü khinthiyinbebo ngümonü I yimchoh yung, tüshe yikhapbo tsühbah bukthsümonü ah.

JOHAN 6:32

Judüki Jisunü arü ki tha, “Atsütsü inü nüsa ki thachoh, Mosanü yinmi chingnü nüsa kilim yikhap jihkhi yung, tüshe I Buhnü yinmi chingnü thiyuro yikhap nüsa kilim jihchoh.

JOHAN 6:47

Atsütsü inü nüsa ki thachoh, shepünü I kheak kinchonü akheam müla rhangdung lah.

JOHAN 6:53

Judüki Jisunü arü ki tha, “Atsütsü inü nüsa ki thachoh, nüsanü Mihtsürü Tsührü shih mütsühsho tüsho api thiyih muyungsho, nüsa kheak nüsa rhangdung müla.

JOHAN 8:34

Jisunü arü ki alo, “Atsütsü inü nüsa ki thachoh, shepü neak yihbeakchonü neak yo azhorü ah.

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

1 PETER 1:25

tüshe Atungpuh yu lünnü lah.” Tüsho nüsa ki thsangyuthsangrakhi thiyusheak atsü ju ha lakheah.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.