MATHI 5:14 - AMÜSÜH HÜM CL Bible (BSI)

¹⁴ Nüsa alomi ayinatrüm. Awung kheak lakhi kiuto amüyimpü mukuk.

MATHI 5:14 Iomraidhean Croise

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

EZEKIEL 5:5

Ha Wuto Atungpuhnü thachoh: Ha Jirusalem ah; lomi alalanü anihbe mükamdobah inü anihbe trükshihbo phulung zojih.

JOHAN 12:36

Nüsanü ayin lachoki ayin kheak kinang, junangde nüsa ju ayin tsührübo kambah.” Jisunü harü thabah chamachih, tüsho arü kheaknü jikabah.

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

JOHAN 9:5

I alomi ching la khiungdüa, I alomi ayinatrüm.”

2 KORINT 6:14

Amükinrü lung arihde rukhüh dürhimo. Tümütüsho thiyuro-lungki le amülim arih-rhimo tümü la? Yungsho ayinnü amiting lung arihkhi tümü la?

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

1 TESALONIKA 5:5

Tümüde nüsa alala ayin tüsho animung tsührübo ah; isa ju azhing yungsho amiting yo yung.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 2:5

Nü tümü chingnü ayoa lanü lümkhitang, tüsho nünü akhuhde arhimokhi rhimoang. Nünü mulong mümüthrisho, I nü kilim arübah tüsho nü tsünpung dubopung azopungnü luakhinbah.