MATHI 4:4 - AMÜSÜH HÜM CL Bible (BSI)

⁴ Tüshe apinü alo, “Amüsühyunü thachoh, ‘Yikhap müthsünnü mihtsürü mülachoh, tüshe Thrünpuh mün chingnü akhiukkhi yu abannü lah.’”

MATHI 4:4 Iomraidhean Croise

ABEKHIT 16:15

Jumonü küyimki Israelrünü ju ngükhea, arü khülangnü khülang ki thaachih, “Ha tümü a?” Tümütüsho ju tümüanü arünü mümükheah. Tüsho Mosanü arü ki tha, “Ha Atungpuhnü nüsa tsühshihpü yikhap jihkheah.

ABEKHIT 16:35

Arü lapü lomi ching arükhi khiungde Israelrünü manna ju kam yirü tsüh; arünü Kanan aredungyean khiungde manna tsüh.

ABEKHIT 16:8

Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

MATHI 15:11

Tümü mün ching yüzahchonü junü mihtsürü mümüneanjihchoh; tüshe tümü mün chingnü akhiukchonü junü mihtsürü müneanjihchoh.”

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

MATHI 4:7

Jisunü api ki tha, “Amüsühyunü ha she thachoh, ‘Nünü Atungpuh nü Thrünpuh rükdaki.’ ”

MARK 7:20

Tüsho apinü tha, “Tümü mihtsürü chingnü akhiukchonü, junü mihtsürü müneanjihchoh.

LUKNÜ ATHRÜTKHI THIYUSHEAK-ATSÜ HUHTANYU 4:12

Tüsho Jisunü api ki alo, “Ha thaa lah, ‘Nünü Atungpuh nü Thrünpuh rükdaki.’ ”

LUKNÜ ATHRÜTKHI THIYUSHEAK-ATSÜ HUHTANYU 4:4

Tüsho Jisunü api ki alo, “Ha thrüta lah, ‘Mihtsürü ju yikhapnü lang rhangdung müla.’”

LUKNÜ ATHRÜTKHI THIYUSHEAK-ATSÜ HUHTANYU 4:8

Jisunü api ki alo, “Ha thrüta lah, ‘Nünü Atungpuh nü Thrünpuh kingaünang, tüsho api lang tankihang.’ ”

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.