MATHI 4:24 - AMÜSÜH HÜM CL Bible (BSI)

²⁴ Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MATHI 4:24 Iomraidhean Croise

2 SAMUEL 8:6

Judüki Damaska ching lakhi Siriarü bolung Davidnü bonungrü yambo thsü; tüsho Siriarü ju David yamlarü kam tüsho ruk hanbah arü, David yüpungbo ching Atungpuhnü akuk ngüshih.

1 KIULONG THSÜRÜ 10:1

Küyimki Sheba kiulongthsübenü Solomon mungthukhi sokhea, (Atungpuh mung hode mungthukhi) akeokhikhibo amüküp lubah alibenü api rükakipü arü.

1 KIULONG THSÜRÜ 4:31

Api ju alala kheaknü lümlung larü lakheah, Ezrarü Ethan tüsho Mahol tsührübo Heman, Kalkol, tüsho Darda kheaknü lümlung la; api mungthukhi mühirü trükshih alala ching bude yü.

1 KIUTHSÜYUKHEAN 14:17

David mungthukhi lomi alala ching yü tüsho trükshih alala kheak Thrünpuhnü api treshihpü handarü.

1 KIUTHSÜYUKHEAN 29:2

Jumonü inü I Thrünpuh yam thsungkheak jihdo, inü akukkhi thülün, suna kukrukbo thsungkheak suna, shotoyinchi kukrukbo thsungkheak shotoyinchi, tüsho müwayinchi kukrukbo thsungkheak müwayinchi, yinchi kukrukbo thsungkheak yinchi, tüsho sang kukrukbo thsungkheak sang, ju lung shihshihlung ahihdo tüsho akhimbe lungbo, athrathra lung, amujukhi lungbo, shotolungbo mungji alala, tüsho suhdahkhi lungbo.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

MATHI 12:22

Judüki amünean me yüzahkhi, müktukrü aduh-a api ki bedarü; tüsho apinü anihbuh thsüngu, junangde mihtsürü müktukrü aduh-a lakhinü thiyu tha tüsho ngü.

MATHI 14:1

Ju kim ching Galilee yakzanshuhrü Herodnü Jisu dünkheak so,

MATHI 15:22

Tüsho kheahang, Kanan liberü khülang ju mükeak chingnü arü tüsho api ki zhide tha, “I kheak amüthsüm laang, O Atungpuh, David tsührü! I tsührübe khitode amünean me yüzah-a lah.”

MATHI 17:15

tüsho tha, “Atungpuh, I tsührü ki muzhoang, tümüde api zukleang-tukthsünü khide mütsükhinü mo tüsho ke ching yüzahchoh.

MATHI 17:18

Jisunü amünean me thürüh, tüsho anihbuh kheaknü api akhiuk; tüsho ju kim chingnü azürü ju nguabah.

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MATHI 8:28

Küyimki api püpü thrip Gadara lomi lim arükhea, amünean me yüzahkhi mihtsürü mahne kiuyukbo chingnü api kilim arü. Ju limro shenü muhokhukpü thsüde ane ju khide amütsü lakheah.

MATHI 8:33

Kheaknu neakrübonü alihde yübah kiuto ching yüzah tüsho amünean me yüzahkhi mihtsürübo kheak dünjikhi she bede alala thaa huh.

MATHI 8:6

“Atungpuh, I yamlarü maphapkhukde thüyam ching atrebe thsünüde lah.”

MATHI 9:26

Tüsho ha yusheak lomi alala ching bukhide yü.

MATHI 9:35

Jisunü arü sinagogbo ching thsangyude, kiulongthsü yusheak atsü thsangyuthsangrade tüsho tukthsü le phüthsüphürambo thsüngude kiutobo tüsho kiulongbo alala ching yü.

MARK 1:28

Tüsho nahdü lang Galilee lomi alala ching api thukhi soride yü.

MARK 1:32

Kheakü arelim, ani yüzahbah, arünü tukthsürü tüsho amünean me yüzahrü alala api kilim bedarü.

MARK 2:3

Judüki arü mihtsürü phüyinü thripshe tukthsürü shuhbah api kilim arü.

MARK 2:4

Tütüshe boto lakhinü arünü api thüninde marükhuk, jumonü arünü api kumung ayidükhik chakashungbah tukthsübuh yapkhi ju yükishih.

MARK 2:9

Thripshe tukthsübuh ki, ‘Nü neakbo bahjihdo,’ yungsho, ‘Asürübah nü yapkiu hanang tüsho tsahang,’ de küpü thakhi amülübe laba?

LUKNÜ ATHRÜTKHI THIYUSHEAK-ATSÜ HUHTANYU 2:2

Ha Siria kovünor Kurini lachoki akhuhbe mung thrütkhi lakheah.

LUKNÜ ATHRÜTKHI THIYUSHEAK-ATSÜ HUHTANYU 4:14

Judüki Jisu ju Me wu chingnü Galilee lim alodarü, tüsho api dünkheak thiyusheak lomi alala ching yü.

LUKNÜ ATHRÜTKHI THIYUSHEAK-ATSÜ HUHTANYU 4:38

Apinü wusu tüsho sinagog chingnü chamachihbah Simeon yam ching yüzah. Kheakü anihbuh ani phütsaknü tukthsüde alakheah, tüsho arünü alibe rungshihpü api ki tha.

LUKNÜ ATHRÜTKHI THIYUSHEAK-ATSÜ HUHTANYU 5:15

Tüshe api dünkheaknü thiyusheak alü thsüde khiungke lim yü; tüsho yimto ato ju anipü tüsho arü tukthsü thsüngupü mukhungde arü.

LUKNÜ ATHRÜTKHI THIYUSHEAK-ATSÜ HUHTANYU 5:24

Junangde alomi ching neak bahjihpü Mihtsürü Tsührü thiyukhüm-sühmüh lah de nüsanü amükheahbah.” Apinü thripshe thsübuh ki tha, “Inü nü ki thachoh, asürang tüsho nü yappung shuh-a lubah thüyam lim yüang.”

LUKNÜ ATHRÜTKHI THIYUSHEAK-ATSÜ HUHTANYU 7:17

Tüsho api dünkheak ha yusheak Judea tüsho mühi lomi alala ching soride yü.

JOHAN 10:21

Püpürünü tha, “Harü ju amünean me larü yubo yung. Amünean menü müktukrü khimshuhkhukba de?”

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 15:23

Arü kheaknü kihüm ha mühah: “Keoniorübo, amüsüh-thsangyurübo tüsho azothsürübo, Antiok le Siria tüsho Kilikia ching lakhi khiungkerü kilim salüm.

YUNIRÜBO RHIMO 15:41

Tüsho apinü borübo reangzahshihde Siria tüsho Kilikia hode yü.

YUNIRÜBO RHIMO 28:9

Küyimki ha dünjikhea, kekung-lo ching mihtsürü püpürü tukthsü larübo she arü tüsho thsüngu.

YUNIRÜBO RHIMO 8:7

Tümüde amünean me yüzah-a lakhibo düsheak achangnü zhide ahihkhüh chingnü akhiuk; tüsho thripshe thsürü yungsho kikzükikdorü ahihkhüh thsüngu.

JIHUSUA 6:27

Junangde Atungpuh Jihusua lung lakheah, tüsho api mungshimungthu lomi athrünkhi ching soride yü.