MATHI 3:9 - AMÜSÜH HÜM CL Bible (BSI)

⁹ tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

MATHI 3:9 Iomraidhean Croise

EZEKIEL 33:24

Mihtsürü tsührü, ha abahkhi Israel lomi ching larünü thade lah, “Abraham ju mihtsürü khülang lang alakheah, tütüshe api a alo yamrüplurüp lu; tüshe isa hihlah; tsükjide müküh-a lupü isa kilim yamalo jih-a lah.”

MARK 7:21

Tümütüsho alunglim mihtsürü mulong chingnü amütsü lümkhi, yüliyüra, müzammüram, mihlaksah,

LUKNÜ ATHRÜTKHI THIYUSHEAK-ATSÜ HUHTANYU 12:17

Tüsho apinü aküdahnü lümde tha, ‘Inü küde athsüba, tümütüsho hi zopü akhiungshak müla?’

LUKNÜ ATHRÜTKHI THIYUSHEAK-ATSÜ HUHTANYU 16:24

Judüki apinü jide tha, ‘Abuh Abraham, I ki muzhoang, tüsho Lazar thiyibah api yingkhing ke ching athsobah I mulo rüngshang; tümüde I ha motru ching rungsahde lah.’

LUKNÜ ATHRÜTKHI THIYUSHEAK-ATSÜ HUHTANYU 19:40

Tüshe apinü arü ki alo tüsho tha, “Inü nüsa ki thachoh, harünü zhikde lasho, lungbonü azhibah.”

LUKNÜ ATHRÜTKHI THIYUSHEAK-ATSÜ HUHTANYU 3:8

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

LUKNÜ ATHRÜTKHI THIYUSHEAK-ATSÜ HUHTANYU 5:22

Küyimki arünü akeokhikhi Jisunü anikhitkheanü apinü arü ki tha, “Tümüde nüsanü nüsa mulong ching keokhicho?

LUKNÜ ATHRÜTKHI THIYUSHEAK-ATSÜ HUHTANYU 7:39

Küyimki api jiyukbuh Pharisirünü ju ngükhea, apinü aküdah thsüde tha, “Ha mihtsürü wukihrü thsüla lasho, api qiude alakhi aliberü ju küdürüanü apinü mükheah-a labeah, tümüde alibe ju aneakrü ah.”

JOHAN 8:33

Arünü api ki alo, “Isa Abraham tsühsoniusobo ah, tüsho she bukkhüp laamükheah. ‘Nüsa zuzu kamshihbah,’ de nünü küde thacho?”

JOHAN 8:37

Nüsa ju Abraham tsühsoniusobo ah de inü mükheahlah, tüshe nüsanü I laksahpü yimchoh, tümütüsho inü thsangyukhi nüsanü müleangkhi.

JOHAN 8:53

Nü isa abuh sheabahkhi Abraham kheaknü atobe a de? Tüsho wukihrübo shedo. Nü she ah de nünü lümcho?”

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

ROMRÜ KILIM PAULNÜ ATHRÜTKHI KIHÜM HUHTANYU 4:1

Dale tüsho isa jipürü Abraham dünkheak hadürü yimkhitkhi ching tümü thaba?