MATHI 3:7 - AMÜSÜH HÜM CL Bible (BSI)

⁷ Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

MATHI 3:7 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

MÜCHITMUDU 28:4

Shepünü yakzan bahyukchonü mihbukmuyuk shijihchoh, tüshe shepünü yakzan zochonü arü azhihchoh.

ISAIA 59:5

Arünü phuruto ke hüpchoh, tüsho mutruktrukbe zheang keakchoh; sherünü arü ke tsühbanü shechoh, ake trükhi chingnü phuruto hüpkhitchoh.

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

JEREMIA 6:10

She kheak inü asukba tüsho düh de athaba, junangde arünü asoba? Kheahang, arü nükhünbo müyeahshung, arünü manikhuk. Atungpuh yu ju arü ki münedung lah; arünü ju ching asühako müla.

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 15:12

Judüki jingyanrübonü arübah api ki tha, “Ha thade asochoki Pharisirü mulong yurido de nünü mükheahnah?”

MATHI 16:1

Judüki Pharisirü le Sadukirübo arü tüsho yinmi chingnü amütsan khülang arü ki huhang de api rükde keo.

MATHI 16:6

Judüki Jisunü arü ki tha, “Pharisirü tüsho Sadukirü phaüm dünkheak atünadoang.”

MATHI 22:15

Judüki Pharisirübonü yü tüsho anihbuh yubo chingnü api phuhpü lümkhibo thsü.

MATHI 22:23

Ju nimung arhang kamlodarükhi müla de atharü Sadukirü api ki arübah keokhi.

MATHI 22:34

Tüshe küyimki apinü Sadukirü zhikde akamshihkhi Pharisirünü asokhea, arünü rukhüh mukhung.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

MATHI 5:20

Tümüde nüsa thiyurolungkinü Pharisirü tüsho yakzan thsangyurü müzhihosho tsükjide yinmi kiulongthsü ching müyüzah de inü nüsa ki thachoh.

MARK 12:13

Judüki arünü Pharisirü tüsho Herod borü khürü api yu rük rampü anihbuh kilim yüshih.

MARK 12:18

Judüki arhang kamlokhi müla de athakhi Sadukirü khürü api kilim arü; tüsho arünü api ki keokhi,

MARK 8:15

Judüki apinü arü neangneangde tha, “Aniang, Pharisirü tüsho Herod phaüm dünkheak kümkangang.”

LUKNÜ ATHRÜTKHI THIYUSHEAK-ATSÜ HUHTANYU 16:14

Kheakü sho muzhorü Pharisirübonü she harü alala so, tüsho arünü api kheah-a münejih.

LUKNÜ ATHRÜTKHI THIYUSHEAK-ATSÜ HUHTANYU 18:11

Pharisibuhnü zhip tüsho tamkhüntamnü, ‘Thrünpuh, I a püpürü mihtsürübo–jangkhijangrarü, thiyuro mülarü, müzammüramrü, yungsho ha ruk-threbuh nangde mülakhi hode nü ki makshe jihchoh.

LUKNÜ ATHRÜTKHI THIYUSHEAK-ATSÜ HUHTANYU 7:30

Tüshe Pharisirü tüsho yakzan thsangyurübonü arü thsungkheak Thrünpuh lümkhi bahyuk, tümütüsho arübo a Johannü mübapti.

JOHAN 1:24

Kheakü thiyia larübo ju Pharisirü kilimnü alakheah.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

JOHAN 9:40

Judüki api lung larü Pharisirü khürünü harü yubo sobah api ki tha, “Isa she mük tuka la de?”

YUNIRÜBO RHIMO 15:5

Tüshe akinrü khürü Pharisirü bolung berünü wusubah tha, “Khiungkerü tsütabahbeah tüsho Mosa yakzan zhimshihbeah.”

YUNIRÜBO RHIMO 20:31

Jumonü kurhangang tüsho chike bukde, animung tüsho are kam mahsam nüsa mihbüm aban thsangyukhi lümkhitang.

YUNIRÜBO RHIMO 26:5

Arünü mütsanpü mulungsho adüsonü I mükheahlah, junangde adanyukkhi isa kingaün yande I a Pharisirü thsüde lado.

YUNIRÜBO RHIMO 5:17

Tüshe achangbe amükeambuhnü wusu tüsho api lung lakhi Sadukirü borü alalanü mükthsüde kam,

ROMRÜ KILIM PAULNÜ ATHRÜTKHI KIHÜM HUHTANYU 1:18

Tümüde arü amütsü tüsho mihbukmuyuknü thiyuro zhipdokhi mihtsürü alala azhihde Thrünpuh bukakhiukkhi yinmi chingnü amikheak akhiuka lah,

ROMRÜ KILIM PAULNÜ ATHRÜTKHI KIHÜM HUHTANYU 5:9

Jumonü kheaküa api thiyih hode isa alim kamshih, alü thsüde Thrünpuh bukakhiukkhi chingnü apinü isa khümkhitbah.

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.