MATHI 3:3 - AMÜSÜH HÜM CL Bible (BSI)

³ Tümüde Isaia wukihrünü athakhi ju api ah: “Sunglo ching khülangnü azhikhi düsheak: ‘Atungpuh thsungkheak limro thsakhamang, api limtsahpung mukhiungarihdo thsüjang.’ ”

MATHI 3:3 Iomraidhean Croise

ISAIA 40:3

Düsheak khülangnü zhichoh: “Sunglo ching Atungpuh limro thsakhamang, Loshelo ching Atungpuh isa Thrünpuh thsungkheak limto arihde thsakhamang!

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MARK 1:3

Sunglo ching khülangnü azhikhi düsheak: Atungpuh limro thsakhamjang, api tsahpung mukhiungarihdo thsüjang.”

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

JOHAN 1:23

Apinü alo, “I ju Isaia wukihrünü athakhi nangde ‘Sunglo ching azhikhi düsheak khülang: Atungpuh limro mukhiungarihdo thsüjang.’ ”