MATHI 3:2 - AMÜSÜH HÜM CL Bible (BSI)

² tüsho tha, “Mulong müthriang, tümüde yinmi kiulongthsü thüninde lah!”

MATHI 3:2 Iomraidhean Croise

1 KIULONG THSÜRÜ 8:47

judüalalashe arü ramde ayükhi lomi ching arünü lümrhangde kamsho, tüsho mulong müthribah arü ramrü lomi ching nü ki zhoshede thasho, ‘Isanü neak yihbeakdo, tüsho amülim rhimodo; isanü mihbukmuyuk rhimodo’;

JOB HU H T ANYU 39:12

Nü hi ju rhimopung ching hande arübah de kinla de?

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

MATHI 10:7

Tüsho nüsa yübah thsangyuthsangraang, ‘Yinmi kiulongthsü thüninde lah.’

MATHI 11:20

Judüki apinü khinthiyinbebo ahihbe thsüde arhimokhi kiutobo Jisunü athürühpü tankih, tümütüsho arünü mulong mümüthri.

MATHI 12:41

Mahkhap nimung Nineve mihtsürübonü ha lün lung zhibah tüsho amülim jihbah, tümütüsho Jonanü thsangyuthsangrakhi hode arü mulong müthri, tüsho kheakü Jona kheaknü atobe khülang ha kheak lah.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MATHI 13:24

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching müjih atsü hiukhi kiphahlah;

MATHI 13:31

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching woninji hiukhi kiphahlah,

MATHI 13:33

Apinü kheaküshe arü ki shihdanglimyu püpü tha: “Yinmi kiulongthsü ju, aliberü khülangnü phaüm lubah aümdungkhi pungdüchi 40 ching düsah-a mülamyi khiungde azokhi kiphahlah.”

MATHI 13:47

“Yinmi kiulongthsü ju keto ching jipyukbah thüngüh mungji aban wuhmukhungkhi keang khülang kiphahlah,

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 18:23

“Jumonü yinmi kiulongthsü ju kiulongthsürü khürünü api yamlarübo lung mütsanmükühkhi kiphahlah.

MATHI 20:1

“Tümütüsho yinmi kiulongthsü ju yapsu mükikde wukhiukbah api yo kurungasolu thsungkheak rhimopü rhimorü mulokhi thüyam putungrü kiphahlah.

MATHI 22:2

“Yinmi kiulongthsü ju ha kiphahlah. Kiulongthsürü khürünü api tsührü thsungkheak yamkhün kamkhi thünio thsakham,

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 25:1

“Judüki yinmi kiulongthsü ju atsangkhit anünürü 10 arü tsünpung shuhbah yamkhün-kamrü mihleang yükhi kiphahde alabah.

MATHI 25:14

“Tümütüsho yinmi kiulongthsü ju mihtsürü khülangnü ayamlarübo jibahle api kukrukbo zojihbah limshu lomi ching hantsah yükhi kiphahlah.

MATHI 4:17

Ju kim chingnü Jisunü thsangyuthsangrapü tankih, “Mulong müthriang, tümüde yinmi kiulongthsü thüninde lah.”

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MATHI 5:10

Thiyuro-lungki dünkheaknü thsümüchirübo asühpü, tümüde yinmi kiulongthsü arü yo.

MATHI 5:3

“Me ching zholümde alarübo asühpü, tümüde yinmi kiulongthsü arü yo.

MATHI 6:10

Nü kiulongthsü arang, yinmi ching künangde la, alomi ching junangde nü lümkhi thsang.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

MARK 1:15

tüsho tha, “Kim khiungdo, tüsho Thrünpuh kiulongthsü thüninde lah. Mulong müthriang, tüsho thiyusheak-atsü ching kinang.”

MARK 1:4

Johannü sunglo ching baptijihde tüsho neak bahpü thsungkheak mulong rholode baptipü thsangyuthsangrade arü.

MARK 6:12

Jumonü arünü wukhiuk tüsho mihtsürübonü mulong müthripü thsangyuthsangra.

LUKNÜ ATHRÜTKHI THIYUSHEAK-ATSÜ HUHTANYU 1:16

Tüsho apinü Israel tsührübo ahihkhüh Atungpuh arü Thrünpuh kilim rholoshihbah.

LUKNÜ ATHRÜTKHI THIYUSHEAK-ATSÜ HUHTANYU 11:20

Tüshe inü Thrünpuh yingkhing hode amünean mebo yankhita lasho, tsükjide Thrünpuh kiulongthsü nüsa kheak arüdo.

LUKNÜ ATHRÜTKHI THIYUSHEAK-ATSÜ HUHTANYU 13:3

Inü nüsa ki thachoh, jude yung; tüshe nüsanü mulong mümüthrisho ju ruk nüsa alala dükheakbah.

LUKNÜ ATHRÜTKHI THIYUSHEAK-ATSÜ HUHTANYU 13:5

Inü nüsa ki thachoh, ju yung; tüshe nüsanü mulong mümüthrisho, ju ruk nüsa alala dükheakbah.”

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 15:7

Inü nüsa ki thachoh, junangde mulong müthripü yihnüpü mülakhi thiyuro-lungki mihtsürü 99 kheaknü aneakrü mulong müthrikhi 1 kurungkheak yinmi ching alü asühachihkhi labah.

LUKNÜ ATHRÜTKHI THIYUSHEAK-ATSÜ HUHTANYU 16:30

Tüsho apinü tha, ‘Yung, abuh Abraham; tümüde khürü ashekhi chingnü arü kilim yüsho arünü mulong müthribah.’

LUKNÜ ATHRÜTKHI THIYUSHEAK-ATSÜ HUHTANYU 21:31

Junangde nüsanü küyimki harü dünjikhi ngübanü, Thrünpuh kiulongthsü thüninde lah de mükheahang.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

LUKNÜ ATHRÜTKHI THIYUSHEAK-ATSÜ HUHTANYU 6:20

Tüsho apinü ajingyanrübo kilim zünga kheahbah tha, “Nüsa zhochihrü asühpü, tümüde Thrünpuh kiulongthsü nüsa yo.

LUKNÜ ATHRÜTKHI THIYUSHEAK-ATSÜ HUHTANYU 9:2

Apinü arübo Thrünpuh kiulongthsü thsangyuthsangrapü tüsho tukthsü thsüngupü yüshih.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

2 KORINT 7:10

Tümüde Thrünpuh lümkhi yande mulong tukthsükhinü akhümkhit lim bepü mulong müthri akhiukshihchoh tüsho tümü mülümalo, tüshe alomi yande mulong tukthsükhinü ashepü akhiukshihchoh.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

IBRI 6:1

Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü;

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.

AMIKHEAKAKHIUKKHI 2:21

Inü alibe mulong müthripü kim jih, tüshe anihbenü müzammüram chingnü mulong müthripü mükün.

AMIKHEAKAKHIUKKHI 2:5

Nü tümü chingnü ayoa lanü lümkhitang, tüsho nünü akhuhde arhimokhi rhimoang. Nünü mulong mümüthrisho, I nü kilim arübah tüsho nü tsünpung dubopung azopungnü luakhinbah.