MATHI 3:11 - AMÜSÜH HÜM CL Bible (BSI)

¹¹ Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

MATHI 3:11 Iomraidhean Croise

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MATHI 3:6

tüsho arü neakbo alokhide apinü Jordan ching arübo baptijih.

MARK 1:4

Johannü sunglo ching baptijihde tüsho neak bahpü thsungkheak mulong rholode baptipü thsangyuthsangrade arü.

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

LUKNÜ ATHRÜTKHI THIYUSHEAK-ATSÜ HUHTANYU 3:16

Johannü arü alala ki alo, “Inü nüsa kenü baptijihchoh; tüshe I kheaknü atobe, ajingkhümpü zhi she inü atrünjihpü müthülünkhi arümuroh; apinü Amüsüh Me tüsho monü nüsa baptijihbah.

LUKNÜ ATHRÜTKHI THIYUSHEAK-ATSÜ HUHTANYU 3:3

tüsho apinü neak bahpü mulong müthride baptipü thsangyuthsangrade Jordan lomi alala ching yü.

JOHAN 1:15

Johannü api thiyumütsan thsüde tüsho zhide tha, “Inü thade alabuh ju ha, ‘Shepü I dunglim arüchonü I kheaknü atobe, tümüde api I müngühnü alakheah.’ ”

JOHAN 1:30

Ha inü athabuh ju ah, ‘I dunglim arükhi mihtsürü I kheaknü atobe, tümüde api I müngühnü alakheah.’

YUNIRÜBO RHIMO 1:5

Johannü kenü bapti, tüshe nimung anükhüh labah Amüsüh Menü nüsa baptibah.”

YUNIRÜBO RHIMO 19:4

Tüsho Paulnü tha, “Johannü api dunglim arükhi Jisu kheak kinpü mihtsürübo ki thade, mulong müthride baptijihkhi lakheah.”

YUNIRÜBO RHIMO 8:36

Ane limro ching yüde alachoki ke ki arü, tüsho dukhanü tha, “Kheahang, ha kheak ke lah! Tümü thsüde I mübaptipü?”

YUNIRÜBO RHIMO 8:38

Jumonü apinü khora-lolungbe ju tukloa zhipshih. Tüsho Philip le dukha ane chido ke ching yüzahbah api baptijih.

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”