MATHI 28:8 - AMÜSÜH HÜM CL Bible (BSI)

⁸ Jumonü arünü trede tüsho khide asühde kiuyuk chingnü nahde chamachih, tüsho api jingyanrübo ki thapü alihde yü.

MATHI 28:8 Iomraidhean Croise

MUNGSHIKHÜN 2:11

Tresahde Atungpuh tankihang; tüsho ajande asühachihang.

MATHI 28:7

Tüsho niokheamde yübah api jingyanrübo ki, api ashe chingnü arhang kamlodo, tüsho api nüsa müngüh Galilee ching yüchoh de thaang; ju ching nüsanü api ngübah. Kheahang, inü nüsa ki thado.”

MATHI 28:9

Arübo api jingyanrübo ki thapü yüchoki, zukleangnü Jisunü arü shorubah tha, “Nüsa lung mungtsü laang!” Tüsho arünü arübah ajing kheak ramrih tüsho api kingaün.

MARK 16:8

Tüsho arünü wukhiukbah kiuyuk kinü alihde tso, tümüde arü ajan tüsho müyinsah. Tüsho atrekhi hode arünü she ki she tümü mütha.

JOHAN 16:20

Atsütsü inü nüsa ki thachoh, nüsa atripbah tüsho atüzhobah, tüshe alomi a asühachihbah; nüsa mulong rozhakbah, tüshe nüsa mulong rozhak ju asühachihpü ching müthribah.

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.