MATHI 28:7 - AMÜSÜH HÜM CL Bible (BSI)

⁷ Tüsho niokheamde yübah api jingyanrübo ki, api ashe chingnü arhang kamlodo, tüsho api nüsa müngüh Galilee ching yüchoh de thaang; ju ching nüsanü api ngübah. Kheahang, inü nüsa ki thado.”

MATHI 28:7 Iomraidhean Croise

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

MATHI 24:25

Kheahang inü nüsa ki amüngühnü thado.

MATHI 26:32

Tüshe I alode asürü dunglim, I nüsa müngüh Galilee ching yübah.”

MATHI 28:10

Judüki Jisunü arü ki tha, “Dütre. Yüang tüsho I keoniorübo ki Galilee ching yüpü thaang; ju ching arünü I ngübah.”

MATHI 28:8

Jumonü arünü trede tüsho khide asühde kiuyuk chingnü nahde chamachih, tüsho api jingyanrübo ki thapü alihde yü.

MARK 14:28

Tüshe I arhang kamlo dunglim, I nüsa müngüh Galilee ching yübah.”

MARK 16:10

Alibenü yü tüsho api lung lade arükhi, tüzhode tüsho tripde alarü ki thaa huh.

MARK 16:13

Tüsho anenü yübah aninga larü ki tha, tüshe arünü ane ki she akin müla.

LUKNÜ ATHRÜTKHI THIYUSHEAK-ATSÜ HUHTANYU 24:34

tüsho tha, “Atsütsü Atungpuh arhang kamloa lah, tüsho Simon ki akhiuka huhdo!”

JOHAN 14:29

Tüsho kheakü ju müdünjiyide inü nüsa ki thado, junangde küyimki ju dünjibanü nüsanü akinbah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.

1 KORINT 15:4

api kiuyuka bahbah amüsühyu yande asam nipü api arhang kamlo,

1 KORINT 15:6

Jushu kim khülang chingnü keoniorü 500 akumung ki akhiuk, khürü sheabah-a lalashe ahihbe khihni khiungde lah.