MATHI 28:19 - AMÜSÜH HÜM CL Bible (BSI)

¹⁹ Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MATHI 28:19 Iomraidhean Croise

THRÜNTAN 1:26

Judüki Thrünpuhnü tha, “Isanü isa kiphahkhi ching mihtsürü thrünanü; tüsho keto ngüh, thüning wuhnubo, akam-shiwüh tüsho mütüm shiwüh tüsho alo kheak abübe alala kurungkheak arü atungrü thsüshihanü.”

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 25:32

Trükshih alala api miki mukhungbah, tüsho namfimihnu neakrünü nihbuh namfimihnubo chingnü mihnubo büthsükhi nangde apinü arü khülang chingnü khülang büthsübah.

YUNIRÜBO RHIMO 1:2

Amüsüh Me hode apinü amokhitkhi amüsühthsangyurübo kilim thiyukhümbo jihkhi dunglim, api bede yükihkhi nimung khiungde alakheah.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 14:21

Küyimki anenü ju kiuto ching thiyusheak-atsü thsangyuthsangrakheanü jingyanrü ahihdo kamshih tüsho Lystra le Ikonium tüsho Antiok lim yülo.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

YUNIRÜBO RHIMO 9:18

Tüsho zukleangnü tümüanü thüngüh küpbo nangde api mükbo chingnü ayokhi tüsho api müknü ngüde kam. Apinü wusu tüsho bapti,

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

1 KORINT 15:29

Kheakü mihtsürübonü asherü thsung thsüde baptikhi amütsan tümü a? Asherü ju arhang mükamlobeasho, tümüde mihtsürübonü arü thsung thsüde baptikhea?

2 KORINT 13:14

Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

GALATIA 3:27

Tümüde nüsa alala sherü Khrista ching baptikheanü nüsanü Khrista khümyukdo.

EFISIA 2:18

tümütüsho api hode isa chido Me khülang ching Abuh kilim arüshihpü lah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

1 JOHAN 5:7

Tüsho Me ju thiyumütsan lah, tümütüsho Me thiyuro ah.