MATHI 28:17 - AMÜSÜH HÜM CL Bible (BSI)

¹⁷ Tüsho küyimki arünü api ngükhea, arünü api kingaün; tüshe khürünü lümshangmang.

MATHI 28:17 Iomraidhean Croise

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 28:9

Arübo api jingyanrübo ki thapü yüchoki, zukleangnü Jisunü arü shorubah tha, “Nüsa lung mungtsü laang!” Tüsho arünü arübah ajing kheak ramrih tüsho api kingaün.

MARK 16:11

Tüsho api arhang lah tüsho alibenü api ngüdo de arünü asochoki akin müla.

MARK 16:13

Tüsho anenü yübah aninga larü ki tha, tüshe arünü ane ki she akin müla.

MARK 16:14

Ju dunglim arü dükhüm ki binde alachoki apinü thürükheak khülang ki akhiuk; tüsho apinü arü mükinkhi le mulong müküpkhi dünkheak thürüh, tümütüsho api arhang kamlo dunglim sherünü api ngükheanü arünü akin müla.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

YUNIRÜBO RHIMO 1:3

Api thsünü dunglim, api rhangdung lakheah de harü ki huh tüsho mütsandakkhi ahihdo jih. Apinü arü ki nimung yirü dükeak akhiuka huh tüsho Thrünpuh kiulongthsü dünkheak asuk.

1 KORINT 15:6

Jushu kim khülang chingnü keoniorü 500 akumung ki akhiuk, khürü sheabah-a lalashe ahihbe khihni khiungde lah.