MATHI 27:5 - AMÜSÜH HÜM CL Bible (BSI)

⁵ Judüki apinü shotoyinchibo ju arüngyam ching jipa bahbah tso, tüsho yübah aküdah thsüde süksah.

MATHI 27:5 Iomraidhean Croise

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

1 KIULONG THSÜRÜ 16:18

Küyimki kiuto yankhi Omrinü angükhea, apinü kiulongthsüpuh yam ching alungbe chipi ching yüzah; apinü kiulongthsüpuh ju anihbuh bede monü takabah, tüsho sheabah–

JOB HU H T ANYU 2:9

Judüki aniubenü api ki tha, “ Kheaküshe nü thiyuro ching laba de? Thrünpuh athruang, tüsho sheang.”

JOB HU H T ANYU 7:15

ju hode I pang thsünüpü kheaknü a süksah-a shepü mokhitbah.

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

MATHI 26:61

tüsho tha, “Inü Thrünpuh arüngyam thsümünimbah nimung mahsam chingnü athsülokhukbah de ha buhnü thado.”

MATHI 27:6

Tüshe amükeam putungrübonü shotoyinchibo ju lu tüsho tha, “Harü ju rahpung-yam ching yukpü yakzan müla, tümütüsho jurübo thiyih dün ah.”

LUKNÜ ATHRÜTKHI THIYUSHEAK-ATSÜ HUHTANYU 1:21

Mihtsürübonü Zakaria aleang, tüsho api arüngyam ching khide ruhde alakhi müyinsah.

LUKNÜ ATHRÜTKHI THIYUSHEAK-ATSÜ HUHTANYU 1:9

amükeamrü jipüyakli yande, Atungpuh arüngyam ching yübah jinjinlak takde kingaünpü api azankhit.

MAHKHAPRÜ 9:54

Judüki apinü nahde api thsühnuk hanrü athrününgtsüng mihtsürü ki tha, “Nü nukshang dukkhitang tüsho I laksahang, jude yungsho mihtsürübonü athabah, ‘ Azoberü khülangnü api laksah-a lah.’” Jumonü api yo athrününgtsüngbuhnü api chinkhitde düchip tüsho sheabah.