MATHI 27:4 - AMÜSÜH HÜM CL Bible (BSI)

⁴ Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

MATHI 27:4 Iomraidhean Croise

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

2 KIULONG THSÜRÜ 24:4

tüsho apinü neak mükihrü thiyih bukshihkhi dünkheak she ah; tümüde apinü neak mükihrü thiyihnü Jirusalem mishih, tüsho Atungpuhnü neak bahjihpü mümulongde alakheah.

JOB HU H T ANYU 13:4

Nüsa akeangyunü zhidorübo; nüsa alala müthülünkhi thümürübo ah.

JOB HU H T ANYU 16:2

Inü hadürü hihde sodo; nüsa alala küpkhukrü shukheamrü ah.

MUNGSHIKHÜN 94:21

Arünü thiyuro-lungkirü rhangdung azhihde rukhüh mukhungchoh, tüsho amülim mülarü sheshihchoh.

ABEKHIT 12:31

Judüki apinü azhing ching Mosa tüsho Aron büne jibah tha, “Asürang tüsho nü le Israelrü I mihtsürü bolungnü tsoang. Tüsho yüang, nüsanü athakhi nangde Atungpuh tankihang.

ABEKHIT 9:27

Tüsho Pharaonü Mosa le Aron jibah tha, “Ha kim ching inü neak yihbeakdo. Atungpuh ju thiyurolungki tüsho I mihtsürübo le I mihbukmuyuk ah.

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

JEREMIA 26:15

Ha lang nüsanü khürü mükheahpü ju, nüsanü I sheshihsho, nüsanü nüsa le ha kiuto tüsho ha ching larübo kheak mülimkhi thiyih handarübah, tümüde thiyuro ching harü yubo nüsa nükhün ching arüshihpü Atungpuhnü I thiyikheah.”

JONA 1:14

Judüki arünü Atungpuh ki zhi, “ O Atungpuh , muzhobah ha mihtsürü rhangdung dünkheak isa düsheshih. Amülim mülarü mihtsürü laksahkhi thsungkheak isa ki mah dükhap, tümüde O Atungpuh , nünü amulongkhi nangde nünü rhimodo.”

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

LUKNÜ ATHRÜTKHI THIYUSHEAK-ATSÜ HUHTANYU 23:22

Tüsho apinü mahsam kipü arü ki tha, “Tümü thsükhi, apinü amütsü tümü rhimoa la? Inü api kheak ashepü thsüde amütsan tümü müyimkhit. Jumonü inü api rhapbah atsoshihbah.”

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

JOHAN 19:7

Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.”

YUNIRÜBO RHIMO 13:28

Arünü api asheshihpü thsüde amudopü mülalashe api laksahpü thsüde Pilat ki keo.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

1 PETER 1:19

tüshe lapha yungsho areak mükihkhi namfimihnunu nangde, Jisu shoto thiyih hode ah.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”

1 SAMUEL 19:5

tümüde apinü Filistiarü yanchoki arhangdung shuhmülanga jihdo, tüsho Atungpuhnü Israel alala thsungkheak akuk ngükhi ato handarüdo. Nünü ju ngü tüsho asühachihdo; dale tümü thsükhi amülim mülarü David laksahkhinü neak yihbeakba le?”