MATHI 27:32 - AMÜSÜH HÜM CL Bible (BSI)

³² Arü akhiukde alachoki, Simon de ajikhi Serene ching mihtsürü khülang arünü shoru, tüsho arünü api ki nimkih-a sangkim hanshih.

MATHI 27:32 Iomraidhean Croise

1 KIULONG THSÜRÜ 21:10

api mikhuh mihtsürü mahne binshang, tüsho api azhihde thashang, ‘Nünü Thrünpuh tüsho Kiulongthsüpuh athrudo.’ Judüki api bekhitang, tüsho api rusahang.”

1 KIULONG THSÜRÜ 21:13

Mihtsürü amütsü mahne azah tüsho Naboth mikhuh bin; tüsho mihtsürü amütsübonü Naboth azhihde mihtsürü mikinü tha, “Nabothnü Thrünpuh tüsho kiulongthsüpuh athrudo.” Jumonü arünü api kiuto aleanglim bekhit, tüsho api rusahabah.

LEVI 4:12

lubah binpung aleanglim awah suka bahpung amüsüh dangpung ching wukhiukbah, tüsho sang kheak monü takabahbah.

LEVI 4:21

Apinü anihbuh neak dünkheak akhuhlim moshipung taka kingaünkhi ruk, ju moshipung khimyam aleanglim lude wukhiukbah atakbah. Ha boto dünkheaknü neak kingaün ah.

LEVI 4:3

Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 5:41

Khürünü nü ki mail 1 tsahpü nimkihsho, api lung mail 2 tsahang.

MARK 15:21

Kheakü arünü Alexander le Rufus büne abuh, Serenerü Simon, lomi chingnü akhiukbah hode ayüchoki Jisu sangkim nimkih-a hanshih.

LUKNÜ ATHRÜTKHI THIYUSHEAK-ATSÜ HUHTANYU 23:26

Kheakü arünü api bede ayüchoki, lomi chingnü arüde alakhi mihtsürü khülang Serenerü Simon tholo tüsho Jisu dunglim hanbah atsahpü api kheak sangkim yihkihjih.

JOHAN 19:17

Tüsho apinü sangkim hanbah Ibri yunü Golgotha de ajikhi kuro dangpung ching yü,

YUNIRÜBO RHIMO 11:20

Tüshe arü khürü, Saipra tüsho Serene mihtsürü Antiok ching arünü Atungpuh Jisu dünkheak Greekrü ki she thsangyuthsangra.

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 2:10

Phrygia le Pamphylia, Ijip tüsho Serene thüninde Libya ching larü; Rom chingnü rhuakheahrü

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 7:58

Jushu arünü api kiuto ching bekhit tüsho arupü tankih. Tüsho thiyumütsan thsürübonü arü khimmihbo athrününgtsüngbuh Saul jing ki zojih.