MATHI 27:2 - AMÜSÜH HÜM CL Bible (BSI)

² Arünü api rhük tüsho Rom kovünor Pilat kilim bede yünü jih.

MATHI 27:2 Iomraidhean Croise

THRÜNTAN 22:9

Judüki Thrünpuhnü api ki thakhi dangpung ching ane arü. Abrahamnü ju ching kingaün sadam khülang thsü, tüsho sang tsanglunga zo; tüsho apinü atsührü Isak rhükbah kingaün sadam kheak, sang mujung kheak yapshih.

MATHI 20:19

tüsho mükhemükimshihpü, arhapshihpü tüsho ayümkihshihpü khiungkerü kilim jihbah.”

MATHI 28:14

Kovünornü ha yusheak shosho, isanü api reangkeamshihbah, tüsho nüsa küpkhuk müngüde alabah.”

LUKNÜ ATHRÜTKHI THIYUSHEAK-ATSÜ HUHTANYU 13:1

Ju kim ching Pilatnü arünü laksah-a kingaünkhi lung thiyih düsahkhi Galileerü dünkheak Jisu ki tharü khürü lakheah.

LUKNÜ ATHRÜTKHI THIYUSHEAK-ATSÜ HUHTANYU 20:20

Jumonü arünü api kheah, tüsho api ju kovünor wu tüsho thiyukhüm-sühmüh ching jihpü api yubo chingnü anihbuh rampü thiyuro-lungkirü ah de thsübah rükramrübo yüshih.

LUKNÜ ATHRÜTKHI THIYUSHEAK-ATSÜ HUHTANYU 23:1

Judüki boto alala tsahmusu tüsho Pilat miki api bedarü.

LUKNÜ ATHRÜTKHI THIYUSHEAK-ATSÜ HUHTANYU 23:12

Ju nimungnü Pilat le Herod büne müyamrü kam, tümüde akhuhlima ane thiriri lakheah.

LUKNÜ ATHRÜTKHI THIYUSHEAK-ATSÜ HUHTANYU 3:1

Tiberia Kaesar kiulongthsükhi kam thürükheak phüngüpü ching, Pontia Pilat Judea kovünor, Herod Galilee yakzanshuhrü, tüsho aniurü Philip Iturea le Trakonita yakzanshuhrü, tüsho Lysania Abilene yakzanshuhrü,

JOHAN 18:12

Judüki Rom bonungrü le wühkenorübo tüsho Jihudarü torübonü Jisu rambah rhük.

JOHAN 18:24

Jushu Annanü jude rhükbah achangbe amükeambuh Kaifa kilim yüshih.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

YUNIRÜBO RHIMO 12:6

Ju re Herodnü api bekhitpü lachoki, Peter ju wuhrünliu mahnenü rhükbah bonungrü mahne dükeak yapde la, tüsho ripit ki aheangrübonü aheangde alakheah;

YUNIRÜBO RHIMO 21:33

Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi.

YUNIRÜBO RHIMO 22:25

Tüsho arünü shihküp-liunü api rhükchoki, Paulnü ju ki zhipkhi wühkenobuh ki tha, “Nünü Rom mihkhung mihtsürü amülim mülade ashikpü yakzan la shi?”

YUNIRÜBO RHIMO 22:29

Judüki api ki keokhipü larübonü nahde api kinü akhinabah; tüsho api Romrü ah de ayimkhit dunglim limthobuh she treabah, tümütüsho apinü anihbuh rhük.

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 28:20

Jumonü ha dünkheaknü inü nü shorubah asukachihpü keokheah, tümütüsho Israel mulonglam lakhinü ha wuhrünliunü I rhüka lah.”

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

YUNIRÜBO RHIMO 9:2

tüsho athrürü yungsho aliberü thsüthsü apinü limro ching ngüsho Jirusalem lim rhüka lubah arüpü Damaska ching sinagogbo kilim kihüm jihang de api ki keokhi.

1 TIMOTHI 6:13

Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

IBRI 13:3

Rihyam ching arü lung lakhi nangde, rihyam ching larü lümkhitang; tüsho nüsa she arü nangde thsünükhi ruk thsünürü lümkhitang.

MAHKHAPRÜ 15:12

Tüsho arünü api ki tha, “Isanü nü rambah Filistiarü khah ching jihpü akikheah.” Judüki Samsonnü arü ki tha, “Nüsanü I mülaksah de thiyuchihchimang.”