MATHI 27:19 - AMÜSÜH HÜM CL Bible (BSI)

¹⁹ Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

MATHI 27:19 Iomraidhean Croise

THRÜNTAN 31:11

Judüki Thrünpuh yunirünü milim ching I ki tha, ‘Jakob.’ Tüsho inü alo, ‘I ha ching lah.’

THRÜNTAN 31:24

Tüshe ju tsüngre milim ching Siriarü Laban kilim Thrünpuh arü, tüsho api ki tha, “Jakob ki atsü yungsho amütsü müthapü kümkangang.”

THRÜNTAN 31:29

Inü nü thsümünimpü sühmüh lah, tüshe nü buh Thrünpuhnü yishih I ki asuk, ‘Nünü Jakob ki atsü yungsho amütsü müthapü kümkangang.’

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 2:19

Tüshe küyimki Herod sheabahkhea, Ijip ching Atungpuh yunirü milim ching Josep ki akhiuk

MATHI 2:22

Tüshe küyimki apinü abuh müthri Arkelausnü Judea kurungkheak kiulongthsüchoh de asokhea, apinü ju ching yüpü tre. Tüsho Thrünpuhnü milim ching thamonü apinü Galilee lomi lim alode yü.

MATHI 27:18

Tümütüsho mükthsükhinü anihbuh kilim Jisu rama jihdo de apinü mükheah.

MATHI 27:24

Küyimki Pilatnü tümü müthsükhukde boto arhunganim tankihkhi ngükhea, apinü ke lubah boto miki akhah mütsakde tha, “Thiyuro mihtsürü thiyih bukkhi I amülim müla. Ju nüsa küdah thsang!”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

JOHAN 19:13

Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin.

YUNIRÜBO RHIMO 12:21

Akhukhi nimung Herodnü api kiulongthsürü khim yihbah kiulongthsü-binkiu kheak bin, tüsho arü ki thiyu tha.

YUNIRÜBO RHIMO 18:12

Tüshe küyimki Gallio ju Akaia kovünor lakhea, Jihudarünü arihbah Paul ram tüsho mahkhappung ching bedarü.

YUNIRÜBO RHIMO 18:16

Jumonü apinü arübo mahkhappung chingnü yankhitabah.

YUNIRÜBO RHIMO 18:17

Tüsho arü alalanü sinagog yakzanshuhrü Sosthena rambah mahkhappung kinü king. Tüshe Gallionü ju rheakashe mükheah.

YUNIRÜBO RHIMO 25:10

Paulnü tha, “I a I mahkhappü lakhi Kaesar mahkhappung kheak zhiplah. Nünü tsüde mükheahlah, inü Jihudarü ki amülim tümü mürhimo.

YUNIRÜBO RHIMO 25:17

Küyimki arü I lung ha ching arükhea, inü ju dünkheak mashu, tüshe ashidopü mahkhappü ji tüsho mihtsürü ju bede azahpü thiyukhüm jih.

YUNIRÜBO RHIMO 25:6

Apinü arü lung nimung tizheah yungsho thürü mung dunglim Kaesarea lim yüki; tüsho ashidopü apinü mahkhap binkiu kheak binbah Paul bede arüpü thiyukhüm jih.

1 PETER 2:22

Apinü neak müyihbeak; amünnü akeangyu mütha.

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;