MATHI 26:63 - AMÜSÜH HÜM CL Bible (BSI)

⁶³ Tüshe Jisunü zhikde la. Tüsho achangbe amükeambuhnü api ki tha, “Nü Thrünpuh tsührü Khrista a shi yungnü isa ki thaang de inü arhang Thrünpuh tamde nü ki thachoh.”

MATHI 26:63 Iomraidhean Croise

1 KIULONG THSÜRÜ 22:16

Tüshe kiulongthsüpuhnü api ki tha, “Tümüshe yung tüshe A TUN GPU H mung chingnü thiyuro thade küdükhüh ki lang inü nü ki thiyuchihchimshihba?”

2 KIUTHSÜYUKHEAN 18:15

Tüshe kiulongthsüpuhnü api ki tha, “Tümü she yung tüshe Atungpuh mung chingnü thiyuro I ki thapü küdükhüh ki inü nü ki thiyuchihchimshihba?”

MUNGSHIKHÜN 42:2

I menü rhangdung Thrünpuh thsungkheak kethürichoh. Küyimki I Thrünpuh miki yüba?

MÜCHITMUDU 29:24

Shepünü ahührü lung atruachihchonü apinü nihbuh rhangdung thraneanchoh; apinü thiyuro thapü thiyuchihchimchoh, tüshe tümü akhiuka muhuh.

ISAIA 53:7

Api ajunokheah, tüsho api thsümüchido tütüshe apinü amün mükhimshuh; namfimihnunu alaksahpü bede ayükhi nangde, tüsho namfimihnunu khülang anam rhiprü miki zhikde alakhi nangde, apinü amün mükhimshuh.

DANIEL 3:16

Shadrak, Meshak tüsho Abednego arünü kiulongthsüpuh ki alo, “ O Nebukednezar, hadürü ching nü miki isanü alopü yihnüpü müla.

LEVI 5:1

Mihtsürü khülangnü tümükhüh ngükhi yungsho mükheahkhi dünkheak mihtsürübonü thiyumütsan jihang de arhunganimkhi sobah apinü müthakhi hode neak yihbeaksho, ju hah apinü ahanbah.

MATHI 16:16

Simon Peternü alo, “Nü a arhang Thrünpuh tsührü Khrista ah.”

MATHI 26:62

Achangbe amükeambuhnü wusu tüsho api ki tha, “Nünü maloba de? Harü mihtsürübonü nü azhihde thiyumütsan thsükhibo ha tümü a?”

MATHI 27:12

Tüsho amükeam putungrübo le azothsürübonü api amülim jihchoki, apinü tümü malo.

MATHI 27:14

Tüsho apinü anihbuh ki thiyu bümkhüh she malo, junangde kovünornü khide müyinsah.

MATHI 27:40

tüsho tha, “Nü shepünü arüngyam thsümünimbah nimung mahsam chingnü athsükhipü lanü, nü küdah thsüde khümkhitang! Nü Thrünpuh tsührü a sho sangkim chingnü akiang.”

MATHI 27:43

Apinü Thrünpuh kheak kindo; kheakü apinü anihbuh khümkhitshang; tümüde apinü tha, ‘I Thrünpuh tsührü ah.’ ”

MATHI 27:54

Küyimki bonungrü torü tüsho api lung aheangrübonü muliuyuk züngkhi tüsho adünjikhi alala ngükhea, arünü khide trede tha, “Atsütsü ha Thrünpuh tsührü thsüa lah!”

MATHI 4:3

Küyimki rükakirü arükheanü api ki tha, “Nü Thrünpuh tsührü a sho, harü lungbo yikhap kampü thiyukhüm jihang.”

MARK 14:61

Tüshe apinü malan tüsho tümü malo. Kheaküshe achangbe amükeambuhnü api ki keokhi, “Nü a Müngühmühibuh Tsührü, Khrista a de?”

JOHAN 1:34

Tüsho ha Thrünpuh tsührü ah de inü ngü tüsho thiyumütsan thsü.”

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

JOHAN 10:24

Judüki Jihudarünü api zündo tüsho tha, “Külokhüh nünü isa lümshangmang ching lashihba? Nü Khrista a sho isa ki khipkhitde thaang.”

JOHAN 10:30

I tüsho I Buh khülang ah.”

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 19:7

Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.”

JOHAN 19:9

tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.”

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 6:69

Kheaküshe nü ju Thrünpuh kilimnü arükhi Amüsüh Khülang de isanü kinlah tüsho mükheahlah.”

JOHAN 8:25

Judüki arünü api ki tha, “Nü she a?” Tüsho Jisunü alo, “Atankih chingnü inü nüsa ki tümü thakheanü ju ah.

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

1 SAMUEL 14:24

Kheakü ju nimung Israelrü lümthsünü ching lakheah, tümüde Saulnü bonungrü kheak thiyuchihchimde tha, “ Arelim mükamchoki tüsho inü I riri kheak romüyimlochoki shepünü yimtsühbanü api kheak muthrumünean yükihang.” Jumonü bonungrü shenü she jim mütsühake.

1 SAMUEL 14:26

Küyimki thirithsürübo murung ching arükhea, mukhuke ju jungkhit; tüshe arünü arü khah nihbuh mün ching muyuk, tümüde arünü thiyuchihchimkhi tre.

1 SAMUEL 14:28

Judüki bonungrü khülangnü tha, “Nü buhnü thirithsürü kheak müküpde thiyuchihchimde tha, ‘Shepünü khihni yimtsühbanü muthrumünean thsang.’ Jumonü thirithsürübo yiuhyiuhlah.”