MATHI 26:61 - AMÜSÜH HÜM CL Bible (BSI)

⁶¹ tüsho tha, “Inü Thrünpuh arüngyam thsümünimbah nimung mahsam chingnü athsülokhukbah de ha buhnü thado.”

MATHI 26:61 Iomraidhean Croise

THRÜNTAN 19:9

Tüsho arünü tha, “Isa limro chingnü akhinang.” Arünü tha, “Habuh tsotsahde arü, tüsho apinü mahkhaprü thsüchoh; kheakü isanü arü kheaknü api ki amütsübe rhimobah.” Jumonü arünü Lot kheak müküpde nimkih, tüsho khimdopü thsümünimpü thüninde arü.

1 KIULONG THSÜRÜ 22:27

tüsho thaang, ‘ Kiulongthsüpuhnü ha tha: Ha buh ha rihyam ching yukang, tüsho I mungtsü chingnü marüchoki, api ki yikhap tüsho ke lang kipduhang.’”

2 KIULONG THSÜRÜ 9:11

Küyimki Jehunü nihbuh putungrü yo atorü kilim alode arükhea, arünü api ki tha, “Alala dükde la shi? Tümüde abünrü mihtsürü nü kilim arükhea?” Apinü arü ki alo, “Mihtsürü tüsho apinü dapdaprarakhi nüsanü mükheahlah.”

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 26:62

Achangbe amükeambuhnü wusu tüsho api ki tha, “Nünü maloba de? Harü mihtsürübonü nü azhihde thiyumütsan thsükhibo ha tümü a?”

MATHI 26:71

Tüsho küyimki ripit-limro lim yükhea, aliberü püpünü api ngübah ju kheak larü ki tha, “Ha buh she Nazarethrü Jisu lung lakheah.”

MATHI 27:40

tüsho tha, “Nü shepünü arüngyam thsümünimbah nimung mahsam chingnü athsükhipü lanü, nü küdah thsüde khümkhitang! Nü Thrünpuh tsührü a sho sangkim chingnü akiang.”

MATHI 27:5

Judüki apinü shotoyinchibo ju arüngyam ching jipa bahbah tso, tüsho yübah aküdah thsüde süksah.

MARK 14:58

“Isanü apinü athakhi sodo, ‘Khahnü athsükhi ha arüngyam inü athsümünimbah, tüsho khahnü amüthsükhi püpü nimung mahsam dükeaknü athsübah.’”

MARK 15:29

Tüsho tsahhode alarübonü api athrude arü ku angamde tha, “Aha! Arüngyam thsümünimbah nimung mahsam chingnü athsülopü labuh,

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

JOHAN 9:29

Thrünpuhnü Mosa ki asukdo de isanü mükheahlah; ha buh ju küchingnüanü isanü mümükheah.”

YUNIRÜBO RHIMO 17:18

Epikur tüsho Stoik lümlung-yimrü khürünü she api shoru. Tüsho khürünü tha, “Mudukmükerünü tümü thacho?” Püpürünü tha, “Apinü khiungkerü thrünpuhbo dünkheak thachoh khunuh.” Arünü ha tha tümütüsho Paulnü Jisu tüsho arhang kamlokhi dünkheak thsangyuthsangra.

YUNIRÜBO RHIMO 18:13

Arünü tha, “Ha mihtsürünü yakzan azhihde Thrünpuh kingaünshihpü mihtsürübo münityukchoh.”

YUNIRÜBO RHIMO 22:22

Ha thakhi khiungde arünü api ki ani, tüsho arü düsheak achangnü tha, “Hadürü ha alomi chingnü kheamshang, tümüde api alapü müthülün!”