MATHI 26:55 - AMÜSÜH HÜM CL Bible (BSI)

⁵⁵ Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

MATHI 26:55 Iomraidhean Croise

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

MATHI 26:47

Api thade alachoki, thürükheak mahne bolung khülang, Juda, anihbuh lung amükeam putungrübo tüsho mihtsürü yo azothsürübonü athiyikhi nukshangbo le shinuk shuhrü boto ato bebah arü.

MARK 10:1

Judüki apinü ju chingnü tsahmusu tüsho Jordan thripkhühnü Judea lomi ching arü. Mihtsürübo api ki mukhungde arü, tüsho püpüki nangde apinü arü thsangyu.

MARK 12:35

Küyimki Jisunü arüngyam ching thsangyude alakheanü, apinü keokhi, “Küde thsah yakzan thsangyurübonü Khrista ju David tsührü ah de thacho?

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 20:1

Nimung khülang apinü arüngyam ching mihtsürübo thsangyude tüsho thiyusheak-atsü thsangyuthsangrade alachoki, amükeam putungrübo tüsho yakzan thsangyurübonü azothsürübo lung thsürubah Jisu shoru.

LUKNÜ ATHRÜTKHI THIYUSHEAK-ATSÜ HUHTANYU 4:20

Apinü hüm ju khiudo, tüsho api tankihbuh kilim jihlobah bin; tüsho sinagog ching alalanü mük mathrapde api kheak kheahkih.

JOHAN 7:14

Kheakü thünio phulung ching Jisunü arüngyam ching wutubah thsangyu.

JOHAN 7:28

Judüki Jisunü arüngyam ching thsangyude alachoki zhi, “Nüsa chidonü I mükheahlah, tüsho I küchingnüanü nüsanü mükheahlah; I küdahnü I arükhi yung, tüshe nüsanü mümükheahkhi I thiyibuh thiyuro lah.

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.

JOHAN 8:20

Harü yubo Jisunü apinü arüngyam ching thsangyude alachoki shozopung chingnü tha; tüsho shenü she api kheak khah muchung, tümüde api kim marüyide alakheah.