MATHI 26:5 - AMÜSÜH HÜM CL Bible (BSI)

⁵ Tüshe arünü tha, “Thünio kim ching a düh, jude yungsho mihtsürü bolung arhunganimbah.”

MATHI 26:5 Iomraidhean Croise

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

MATHI 14:5

Herodnü Johan laksahpü künde alakheah, tüshe apinü mihtsürübo tre, tümütüsho arünü api ju wukihrü khede alakheah.

MATHI 21:26

Tüshe isanü, ‘Mihtsürübo kilimnü,’ de thasho, isanü boto trelah, tümütüsho alalanü Johan ju wukihrü khejihde lah.”

MATHI 27:24

Küyimki Pilatnü tümü müthsükhukde boto arhunganim tankihkhi ngükhea, apinü ke lubah boto miki akhah mütsakde tha, “Thiyuro mihtsürü thiyih bukkhi I amülim müla. Ju nüsa küdah thsang!”

MARK 14:12

Kheakü phaüm muyukkhi akhuhbe nimung, arünü phunghothünio namfimihnunu laksahchoki, ajingyanrübonü api ki tha, “Nü phungho-thünio yimtsühpü thsüde nünü isa kükheak yübah thsakhamshihnela?”

MARK 14:2

Tüshe arünü tha, “Thünio kim ching a mürhimo, jude yungsho mihtsürübo arhunganimbah.”

MARK 14:27

Judüki Jisunü arü ki tha, “Nüsa alalanü I bahbah alihde atsobah, tümüde ha thrüta lah: ‘Inü namfimihnu neakrü shikbah, tüsho namfimihnubo hiumüzütbah.’

LUKNÜ ATHRÜTKHI THIYUSHEAK-ATSÜ HUHTANYU 20:6

Tüshe isanü, ‘Mihtsürü kilimnü’ de thasho mihtsürü alalanü isa lungnü arubah, tümüde Johan ju wukihrü khülang lakheah de arünü kinlah.”

LUKNÜ ATHRÜTKHI THIYUSHEAK-ATSÜ HUHTANYU 22:7

Judüki phungho-thünio namfimihnunu laksahpü phaüm muyukkhi nimung arü.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 21:38

Nü a azhipü tankihde rimthsümünimrü 4000 bebah sunglo ching bede ayükhi Ijiprü yung de?”

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.