MATHI 26:45 - AMÜSÜH HÜM CL Bible (BSI)

⁴⁵ Judüki apinü ajingyanrübo kilim arübah tha, ‘Nüsa kheakü khiungde sühakhimde yapla de? Kheahang, kim thünina lah, tüsho Mihtsürü Tsührü aneakrübo khah ching jihdo.

MATHI 26:45 Iomraidhean Croise

1 KIULONG THSÜRÜ 18:27

Animuro Elijanü arü ki keangrümünede tha, “Achangnü zhiang! Tsükjide api thrünpuh khülang ah; api lümkhi hihlah, yungsho api zuknuklah, yungsho api hantsah yüa lah, yungsho khükia api yapshea lah tüsho ayihmusubeah.”

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

MATHI 26:18

Tüsho apinü tha, “Kiuto ching mihtsürü khürü ki yübah thaang, ‘Thsangyurünü thachoh, “I kim thüninde lah; I jingyanrübo tüsho inü nü yam ching phungho-thünio labah.”’”

MATHI 26:2

“Nüsanü mükheahlah, nimung mahne dunglim phungho-thünio labah, tüsho Mihtsürü Tsührü sangkim ching yümkihpü jihbah.”

MATHI 26:44

Jumonü apinü arü zojihbah alode yü, tüsho thiyubo ju ruk lang mahsam kipü tamkhüntamnü.

MATHI 26:46

Asürang, isa yüanü. Kheahang, I yinatsührü ha kheak lah.’ ”

MARK 14:35

Apinü anükhüh limshude yübah alo kheak khukning, tüsho kuka lasho ha kim api kheaknü akhinshang de tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

JOHAN 12:23

Tüshe Jisunü arü ki alo, “Mihtsürü Tsührü müretahpü thsüde kim arüdo.

JOHAN 12:27

“Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,