MATHI 26:41 - AMÜSÜH HÜM CL Bible (BSI)

⁴¹ Junangde nüsa rükaki ching müyüzahpü thsüde kurhangang tüsho tamkhüntamnüang. Menü a künlah tüshe shih ching reangmüzah.’

MATHI 26:41 Iomraidhean Croise

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 119:117

I tholoang, tüsho I akhümkhitbah, tüsho inü nü yakzan thsükhibo mutuklode anibah.

MUNGSHIKHÜN 119:32

Inü mulongde nü yukhümbo anibah, tümütüsho nünü anikhitkhi alü I kilim jihbah.

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

MATHI 26:38

Apinü arü ki tha, “I me ashepü thsüde mulong rozhaklah. Nüsa ha kheak I kheahde aleangang.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

MARK 14:38

Nüsa rükaki ching müyüzahpü thsüde kurhangang tüsho tamkhüntamnüang. Menü a künlah, tüshe shih ching sühmüzah.”

LUKNÜ ATHRÜTKHI THIYUSHEAK-ATSÜ HUHTANYU 11:4

Isa azhihde neak yihbeakrü ki isanü neak bahjihkhi nangde isa neakbo bahjang. Tüsho rükakinü isa dübeshih, tüshe amütsübe chingnü isa bekhitang.’ ”

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 22:40

Küyimki api ju dangpung ching arükhea, apinü arü ki tha, “Rükaki ching müyüzahpü thsüde nüsanü tamkhüntamnüang.”

LUKNÜ ATHRÜTKHI THIYUSHEAK-ATSÜ HUHTANYU 22:46

Judüki apinü arü ki tha, “Tümüde nüsanü yapcho? Asürang tüsho tamkhüntamnüang, jude yungsho nüsa rükaki ching yüzahbah.”

LUKNÜ ATHRÜTKHI THIYUSHEAK-ATSÜ HUHTANYU 8:13

Tüsho lungmi kheak hiukihkhi ju thiyu sobah asühde aleangkhirü ah; tüshe harü aying müla, arünü anükhüh kheak kinchoh tüsho rükaki kim ching ayoabahchoh.

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

1 KORINT 16:13

Kurhangang, akin ching düküngde zhipang, mulong toang, reangzahang.

1 KORINT 9:27

azhihachihpü püpürü jibah dunglim I müthülünde kambah mütsüle inü I pang shangde düküngshihchoh tüsho inü danyuka zochoh.

GALATIA 5:24

Tüsho sherü Jisu Khrista yoanü akünkhi tüsho amürühkhi bede shih yakli yümkihabahdo.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.