MATHI 26:39 - AMÜSÜH HÜM CL Bible (BSI)

³⁹ Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 26:39 Iomraidhean Croise

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

2 SAMUEL 15:26

Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

ISAIA 50:5

Atungpuh Thrünpuhnü I nükhün khimshuhjih, tüsho inü mazhih, inü mutsolo.

ISAIA 53:12

Jumonü inü ato bolung api ki shihcham jihbah tüsho sühmüh lakhi lung api ayankhikhi-kukruk chama jihbah; tümütüsho apinü anihbuh langzünü she tüsho alakmihrü lung kheyuk; tütüshe apinü ahihdo neak han tüsho alakmihrü thsungkheak tamkhüntamnü.

EZEKIEL 1:28

Tsüng arükhi nimung amo ching mürechin nangde, ju mükamde ayin-zhingzhing lakheah. Ha Atungpuh müretah akhiukkhi lakheah. Küyimki inü angükhea, inü I miro koyu tüsho khülangnü asukkhi düsheak inü so.

WÜHKHE 14:5

Mosa le Aron anenü Israelrü amukhungrü boto miki mükhüm.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

MATHI 20:22

Tüshe Jisunü arü ki tha, “Nüsanü tümü keokhichonü nüsanü mümükheah. Inü ayungpü lakhi pung nüsanü ayungkhukba shi?” Arünü api ki alo, “Isanü akukbah.”

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 26:42

Apinü mahne kipü yülo tüsho tamkhüntamnüde tha, ‘O Abuh, inü muyungde ha pung luakhinbah mutsokhuksho, nü lümkhi thsang.’

MARK 13:22

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she mülapyukpü amütsanbo tüsho amüyinsahbebo huhbah.

LUKNÜ ATHRÜTKHI THIYUSHEAK-ATSÜ HUHTANYU 17:16

tüsho api jing ki ami mükhümbah makshe jih. Tüsho api ju Samariarü lakheah.

JOHAN 11:41

Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh.

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 18:11

Jisunü Peter ki tha, “Nü nukshang nuktrüp ching yukang. I Buhnü I kilim jihkhi pung inü muyungbea de?”

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

YUNIRÜBO RHIMO 10:25

Küyimki Peter yüzahkhea, Kornelianü khukningbah api kingaün.

FILIPI 2:8

Tüsho mihtsürü shihphü nangde azhihayihde kambah ashepü ching, sangkim kheak shepü she mihyuani.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.