MATHI 26:28 - AMÜSÜH HÜM CL Bible (BSI)

²⁸ Tümüde ha aso tangzüngkhi, ahihkhüh neak bahjihpü bukkhi I thiyih ah.

MATHI 26:28 Iomraidhean Croise

JEREMIA 31:31

Atungpuhnü thachoh, Israel yamkhün tüsho Juda yamkhün kheak inü tangzüng aso thsüpü nimungbo tsükjide arado.

LEVI 17:11

Tümüde shih ju thiyih ching lah; tüsho kingaün sadam kheak nüsa rhangdung dünthsükhipü inü nüsa kilim jihdo; tümüde thiyihnü nüsa rhangdung thsungkheak dünthsükhichoh.

ZEKARIA 9:11

Nüsa thsungkheaknü I thiyih tangzüng nüsa kheak lakhinü, inü nüsa aramrübo ke mülakhi shingkung chingnü zuzu thsüde adükhebah.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MATHI 26:27

Jushu apinü pung ju lu, tüsho makshe jihbah arü ki jihde tha, “Nüsa alala ha chingnü yungang.

MATHI 26:29

Tüshe inü nüsa ki thachoh, inü nüsa lung I Buh kiulongthsü ching kurungaso ke aso muyungyi khiungde kurungaso ke muyung.”

MATHI 6:12

isanü isa mahputungrü neak bahjihkhi nangde, isa mah she bahjang;

MARK 1:4

Johannü sunglo ching baptijihde tüsho neak bahpü thsungkheak mulong rholode baptipü thsangyuthsangrade arü.

MARK 14:24

Tüsho apinü arü ki tha, “Ha ahihkhüh dünkheak thiyih bukkhi tangzüng aso I thiyih ah.

LUKNÜ ATHRÜTKHI THIYUSHEAK-ATSÜ HUHTANYU 22:19

Tüsho apinü yikhap lubah makshe jih tüsho ju yihnakbah arü kilim jihde tha, “Ha nüsa dünkheak jihkhi I pang ah; ha I lümkhitde rhimoang.”

LUKNÜ ATHRÜTKHI THIYUSHEAK-ATSÜ HUHTANYU 22:20

Junangde yimtsüh dunglim apinü pung ju she lubah tha, “Ha pung nüsa dünkheak bukkhi I thiyih tangzüng aso ah.

ROMRÜ KILIM PAULNÜ ATHRÜTKHI KIHÜM HUHTANYU 5:15

Tüshe akeang thsambah ju alakmihkhi nangde yung. Tümütüsho mihtsürü khülangnü alakmihkhi hode ahihdo shekheasho, mihtsürü khülang Jisu khrista amüthsüm ching ahihdo thsungkheak Thrünpuh amüthsüm tüsho akeang thsambah lah.

ROMRÜ KILIM PAULNÜ ATHRÜTKHI KIHÜM HUHTANYU 5:19

Tümüde mihtsürü khülang mihyumanikhinü ahihdo aneakrü kamshih, junangde mihtsürü khülang mihyuanikhinü ahihdo thiyuro-lungki kamshihbah.

1 KORINT 11:25

Junangde yimtsüh dunglim apinü pung lubah tha, “Ha pung I thiyih ching tangzüng aso ah. Nüsanü ayung aban I lümkhitde ha rhimoang.”

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

KOLOSI 1:14

api hode isa rhokhitkhi, neak bahjihkhi lah.

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,