MATHI 26:27 - AMÜSÜH HÜM CL Bible (BSI)

²⁷ Jushu apinü pung ju lu, tüsho makshe jihbah arü ki jihde tha, “Nüsa alala ha chingnü yungang.

MATHI 26:27 Iomraidhean Croise

MUNGSHIKHÜN 116:13

Inü akhümkhit pung lubah, tüsho Atungpuh mung jibah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 7:9

tüsho nü mün müthsüpkhi yukhu atsüdak nangde thsang. Yukhu ju I tsübuh kilim langde, münküp tüsho hü kheak bukde yükishang.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

MATHI 15:36

Jushu apinü yikhap 7 tüsho thüngühbo ju lubah makshe jih tüsho yihnakbah api jingyanrübo kilim jih; tüsho jingyanrübonü mihtsürübo kilim ahiuh.

MATHI 26:26

Arü yimtsühde alachoki, Jisunü yikhap lubah müngühjih tüsho yihnak, tüsho jingyanrübo ki jihde tha, “Luang tüsho tsühang; ha I pang ah.”

MATHI 26:28

Tümüde ha aso tangzüngkhi, ahihkhüh neak bahjihpü bukkhi I thiyih ah.

LUKNÜ ATHRÜTKHI THIYUSHEAK-ATSÜ HUHTANYU 22:20

Junangde yimtsüh dunglim apinü pung ju she lubah tha, “Ha pung nüsa dünkheak bukkhi I thiyih tangzüng aso ah.

1 KORINT 10:16

Isanü müngühjihkhi müngühmühi pung ju Khrista thiyih ching shihcham lukhi yung de? Isanü ayihnakkhi yikhap ju Khrista pang ching shihcham lukhi yung de?

1 KORINT 11:28

Mihtsürü abannü yikhap mütsühyide tüsho pung muyungyide nihbuh akeakheahbeah.