MATHI 26:26 - AMÜSÜH HÜM CL Bible (BSI)

²⁶ Arü yimtsühde alachoki, Jisunü yikhap lubah müngühjih tüsho yihnak, tüsho jingyanrübo ki jihde tha, “Luang tüsho tsühang; ha I pang ah.”

MATHI 26:26 Iomraidhean Croise

MATHI 14:19

Judüki apinü yimto ato ju rimkiu kheak binpü thiyukhüm jih. Apinü yikhap 5 tüsho thüngüh 2 ju lu, tüsho yinmi lim kheahde makshe jih, tüsho yihnakbah jingyanrübo kilim jih; tüsho jingyanrübonü mihtsürübo kilim ahiuh.

MATHI 26:27

Jushu apinü pung ju lu, tüsho makshe jihbah arü ki jihde tha, “Nüsa alala ha chingnü yungang.

MARK 6:41

Küyimki apinü yikhap 5 tüsho thüngüh 2 lukhea, apinü thüning lim abinkih-a kheahbah makshe jih tüsho yikhapbo yihnakbah arü ahiuhakhipshihpü jingyanrübo kilim jih; tüsho apinü thüngüh 2 ju arü alala bolung chamjih.

LUKNÜ ATHRÜTKHI THIYUSHEAK-ATSÜ HUHTANYU 22:17

Judüki apinü pung ju lubah makshe jih, tüsho tha, “Ha luang tüsho nüsa bolung chama luang;

LUKNÜ ATHRÜTKHI THIYUSHEAK-ATSÜ HUHTANYU 24:30

Küyimki api ju ane lung dükhüm ki binde alakhea, apinü yikhap lubah makshe jih tüsho yihnakbah ane kilim jih.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 20:7

Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

1 KORINT 10:4

tüsho alalanü rukhüh me yungbe yung. Tümüde arünü arü lung yükhi me Lung chingnü yung, tüsho Lung ju Khrista lakheah.