MATHI 26:24 - AMÜSÜH HÜM CL Bible (BSI)

²⁴ Mihtsürü Tsührü a api dünkheak thrüta lakhi nangde yüchoh, tüshe shepünü Mihtsürü Tsührü yinatsühchonü ju mihtsürü are! Ju mihtsürü a api thsungkheaknü müzübejungkhi atsübe lado.”

MATHI 26:24 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

MUNGSHIKHÜN 55:15

Ashepünü arü tholoshang; arübo arhangnü Ashe-lomi ching yüshang, tümüde mihbukmuyuk arü lapungbo tüsho arü bolung ching lah.

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MATHI 18:7

Mihtsürü neak yihbeakshihbe lakhi dünkheaknü alomiküp are! Hadürü adünjibah, tüshe shepü hode ha akhiukshihbanü are!

MATHI 26:31

Judüki Jisunü arü ki tha, “Khihre nüsa alala I dünkheaknü atsomüzütbah, tümüde ha thrüta lah: ‘Inü namfimihnu neakbuh shikbah, tüsho namfimihnu boto tsomüzütbah.’

MATHI 26:54

Dale tüsho judüpü thsüde amüsühyu küde thsah adünjiba?”

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

MARK 14:21

Mihtsürü Tsührü a api dünkheak thrütkhi nangde yüchoh, tüshe mihtsürü shepünü Mihtsürü Tsührü yinatsühchonü ayokhe! Ju mihtsürü thsungkheak müzübejungkhi atsübe lado.”

MARK 9:12

Judüki apinü arü ki alo, “Elija akhuhde arüchoh tüsho alala tsanglungbah. Dale tümü thsükhi Mihtsürü Tsührü khide thsünüpü tüsho abahyukpü thrüta la?

LUKNÜ ATHRÜTKHI THIYUSHEAK-ATSÜ HUHTANYU 22:22

Atsütsü Mihtsürü Tsührü a akhua zokhi nangde yüchoh, tüshe api yinatsühbuh mihtsürü are!”

LUKNÜ ATHRÜTKHI THIYUSHEAK-ATSÜ HUHTANYU 24:46

Judüki apinü arü ki tha, “Ha thrüta lah, tüsho junangde Khrista ju thsünübah nimung asampü ching arhang kamlopü lakheah,

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 19:24

Jumonü arünü arü bolung thaachih, “Isanü ha müruknaknü, tüshe ju shepü yo thsübanü azan thsanü,” junangde thaa lakhi amüsühyu dünji: “Arünü I khimmihbo arü bolung chama lu, tüsho I khimmih thsungkheak arünü azan thsü.” Jumonü bonungrübonü harü rhimo.

JOHAN 19:28

Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!”

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

1 KORINT 15:3

Tümütüsho tümü inü leangkhikheanü akhuhbe adungto thsüde nüsa kilim jihdo, junangde amüsühyu yande isa neakbo dünkheak khrista shekheah,