MATHI 25:45 - AMÜSÜH HÜM CL Bible (BSI)

⁴⁵ Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

MATHI 25:45 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

MUNGSHIKHÜN 105:15

tha, “Inü mujude-müsühkhitkhi düqiu, tüsho I yo wukihrübo dütrünthsü.”

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

WÜHKHE 24:9

Kekhüzü nangde arünü khukningchoh, tüsho zuh-a yapchoh, kekhüzü dreto nangde shepünü arü yihmusukhukpü? Shepünü nü müngühjihbanü müngühmühi, tüsho shepünü athrubanü athrubah.”

MATHI 10:41

Shepünü wukihrü khülang wukihrü mung chingnü leangkhibanü wukihrü thsambah ngübah. Tüsho shepünü thiyurolungki mihtsürü khülang thiyurolungki mihtsürü mung chingnü leangkhibanü thiyurolungki thsambah ngübah.

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 25:44

“Judüki arünü she api ki alobah, ‘Atungpuh, küyimki isanü nü khümde yungsho kethüride yungsho hanrü thsüde yungsho bünkeang yungsho tukthsüde yungsho rihyam ching lade ngübah nü mürungkhea?’

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

YUNIRÜBO RHIMO 9:5

Tüsho apinü tha, “Nü she a Atungpuh?” Atungpuhnü tha, “I nünü athsümüchibuh Jisu ah;

1 KORINT 8:12

Hanangde reangmüzahde alachoki, nü keoniorü azhihde neak yihbeakkhi tüsho arü lümkhi yurijihkhi ju, nünü Khrista azhihde neak yihbeakchoh.