MATHI 25:40 - AMÜSÜH HÜM CL Bible (BSI)

⁴⁰ “Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 25:40 Iomraidhean Croise

2 SAMUEL 9:1

Davidnü keokhi, “Jonathan thsülimnü inü mihmuzho huhpü thsüde Saul yamkhün khürü aninga la shi?”

2 SAMUEL 9:7

Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

2 KIULONG THSÜRÜ 4:10

Isanü ayi-lüpkhi kheak rhü yukde khiungshak anikhüh thsanü, tüsho api thsungkheak ju ching yapkiu khülang, dükhüm khülang, jingchang binkiu khülang, tüsho tsünpung khülang de zoanü, junangde api küyimki isa kilim arübanü ju ching mühümbah.”

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

JEREMIA 39:17

Tüshe ju nimung inü nü khümkhitbah, Atungpuhnü thachoh, tüsho nünü trede alarü khah ching nü müjih.

MATHI 10:40

“Shepünü nüsa leangkhichonü I leangkhichoh, tüsho shepünü I leangkhichonü I thiyibuh leangkhichoh.

MATHI 10:42

Tüsho sherünü harü anini bolung khülang kilim I jingyanrü thsümonü kerüng pungkhüh lang she aduhbanü, inü nüsa ki thiyuro thachoh, tsükjide api thsambah müdükheak.”

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 25:39

Yungsho küyimki nü tukthsükhea, yungsho rihyam ching lakhi ngübah isanü nü rhuakheahkhea?’

MATHI 25:45

Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

MATHI 28:10

Judüki Jisunü arü ki tha, “Dütre. Yüang tüsho I keoniorübo ki Galilee ching yüpü thaang; ju ching arünü I ngübah.”

MARK 9:41

Nüsa Khrista yo thsümonü shepünü nüsa kilim ke pung khülang jih-a yungshihbanü, atsütsü inü nüsa ki thachoh, küdüküdü she api thsambah müdükheak.

LUKNÜ ATHRÜTKHI THIYUSHEAK-ATSÜ HUHTANYU 19:38

“‘Atungpuh mung chingnü arükhi kiulongthsüpuh müngühmühi!’ Yinmi ching mungtsü tüsho achangbe ching müretah lashang!”

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

EFISIA 5:30

tümütüsho isa ju api pang ching kheyukrü ah.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.