MATHI 25:29 - AMÜSÜH HÜM CL Bible (BSI)

²⁹ Tümüde shepü lanü, alü jihlobah, tüsho api muzhomopungde alabah; tüshe shepü mülanü, api lakhi she lude atsobah.

MATHI 25:29 Iomraidhean Croise

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

HOSEA 2:9

Jumonü akim ching inü I hi tüsho akheahmünchi ching I yukhu lulobah; tüsho anihbe pang yihdokhi I khimlamlam, khimthünak luabahbah.

MATHI 13:12

Tümütüsho shepü lanü api kilim alü jihbah, tüsho api suhdahde alabah; tüshe shepü mülanü, api anikhüh lakhi ju she anihbuh kheaknü lude atsobah.

MATHI 21:41

Arünü alo, “Apinü jurü amütsürü thsümüchide asheshihbah, tüsho yimlu kim ching api hi shihcham jihshihpü thsüde kurungasolu ju thulu-mücherü püpürü kilim jihbah.”

MATHI 25:28

Jumonü api kheaknü suna shonak luang, tüsho ju shonak 10,000 labuh kilim jihang.

MARK 4:25

Tümütüsho shepü lanü, api kilim alü jihbah; tüshe shepü mülanü, api lakhi she anihbuh kheaknü lude atsobah.”

LUKNÜ ATHRÜTKHI THIYUSHEAK-ATSÜ HUHTANYU 10:42

tüshe khülang lang yihnüpü lah. Marinü alungkibe mokhitdo, tüsho ju alibe kheaknü lude mutso.”

LUKNÜ ATHRÜTKHI THIYUSHEAK-ATSÜ HUHTANYU 8:18

Nüsanü künangde anichonü kümkangang; tümüde shepü lanü alü jihlobah, tüsho shepü mülanü, apinü lah de alümkhi ju she lude atsobah.”

JOHAN 11:48

Isanü hanangde azuzu thsüshihsho, mihbüm abannü api kheak kinbah, tüsho Romrünü arübah isa lapung tüsho trükshih lude atsobah.”

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

AMIKHEAKAKHIUKKHI 2:5

Nü tümü chingnü ayoa lanü lümkhitang, tüsho nünü akhuhde arhimokhi rhimoang. Nünü mulong mümüthrisho, I nü kilim arübah tüsho nü tsünpung dubopung azopungnü luakhinbah.