MATHI 25:10 - AMÜSÜH HÜM CL Bible (BSI)

¹⁰ Tüsho küyimki athulopü yükhea, yamkhün-kamrü arü, tüsho thsakhama larübo ju api leangpü arhangrü thünio ching yüzah; tüsho khimdopü rihabah.

MATHI 25:10 Iomraidhean Croise

THRÜNTAN 7:16

Shiwühbo yüzahde alakhi ju Thrünpuhnü Noa ki thiyukhüm jihkhi nangde rhangdung lakhi aban pung tüsho dre lakheah; tüsho Atungpuhnü api alunglim khimdoabah.

MUNGSHIKHÜN 95:11

Jumonü inü I mulong zhipzhip ching thiyuchihchim thsü, ‘ Arünü I sühakhim ching müyüzah.’ ”

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

MATHI 24:43

Tüshe ha mükheahang, thüyam putungrünü ahührü arüpü kim mükheahkhülaa, apinü aheangde alabah tüsho api yam müchakashungshihpü lakheah.

MATHI 24:44

Jumonü nüsa she atündoang, tümüde nüsanü amülümkhi kim khülang ching Mihtsürü Tsührü arübah.

MATHI 25:6

Tsüngphulung ching azhikhi khülang so: Kheahang, yamkhün-kamrü arüchoh; api leangpü wukhiukang!

MATHI 7:21

“Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

LUKNÜ ATHRÜTKHI THIYUSHEAK-ATSÜ HUHTANYU 12:35

“Nüsa chim rümang tüsho nüsa tsünpungbo trushang;

LUKNÜ ATHRÜTKHI THIYUSHEAK-ATSÜ HUHTANYU 13:25

Küyimki thüyam putungrünü khülang ki asürübah khimdopü ju arihba, nüsanü wungdo zhipbah thrungde athabah, ‘Atungpuh, Atungpuh, isa thsungkheak khimshuhjang,’ tüsho apinü nüsa ki thabah, ‘Nüsa küchingnüanü inü nüsa mümükheah,’

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 19:7

Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah;

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!