MATHI 25:1 - AMÜSÜH HÜM CL Bible (BSI)

¹ “Judüki yinmi kiulongthsü ju atsangkhit anünürü 10 arü tsünpung shuhbah yamkhün-kamrü mihleang yükhi kiphahde alabah.

MATHI 25:1 Iomraidhean Croise

MUNGSHIKHÜN 45:14

Khimmih aphuaphu chingnü anihbe kiulongthsüpuh kilim bede yü; atsangkhitkhi anihbe müyamrübo alibe yande nü kilim bede arüdo.

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

KHÜNBOLUNGKHÜN 5:8

Inü thachoh, O Jirusalem tsührü liberübo, nüsanü I tsübuh ngüsho, I a muzhoachih tukthsülah de api ki thaang.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

MATHI 13:24

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching müjih atsü hiukhi kiphahlah;

MATHI 13:31

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching woninji hiukhi kiphahlah,

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MATHI 13:47

“Yinmi kiulongthsü ju keto ching jipyukbah thüngüh mungji aban wuhmukhungkhi keang khülang kiphahlah,

MATHI 20:1

“Tümütüsho yinmi kiulongthsü ju yapsu mükikde wukhiukbah api yo kurungasolu thsungkheak rhimopü rhimorü mulokhi thüyam putungrü kiphahlah.

MATHI 22:2

“Yinmi kiulongthsü ju ha kiphahlah. Kiulongthsürü khürünü api tsührü thsungkheak yamkhün kamkhi thünio thsakham,

MATHI 25:7

Judüki atsangkhit anünürü alala asürü tüsho arü tsünpung atünado.

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

MATHI 9:15

Jisunü arü ki alo, “Yamkhünkambuh arü lung lachoki amüyamrübonü atüzhopü kukla de? Tüshe arü kinü yamkhün-kambuh bede atsopü nimungbo arübah, tüsho arünü khümkeak thsübah.

JOHAN 18:3

Jumonü Judanü bonungrü khürü tüsho amükeam putungrübo le Pharisirübonü athiyikhi arüngyam aheangrübo bebah thsühnuk shuh tüsho tsünpung le tsünduphungbo hanbah ju ching yü.

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

YUNIRÜBO RHIMO 20:8

Isa mukhunga lakhi akube khiungshak ching ju tsünpung ahihdo taka lakheah.

1 KORINT 11:2

Lüpdükhi ching I lümkhitkhi tüsho nüsa ki thsangyukhi ching yankhi dünkheak inü nüsa shijihchoh.

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

AMIKHEAKAKHIUKKHI 19:7

Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah;

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”

AMIKHEAKAKHIUKKHI 4:5

Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah;

AMIKHEAKAKHIUKKHI 8:10

Asampü yunirünü api hulipungpung müt, tüsho thüning kheaknü chining ato, tsünduphung nangde trude keamkhi, tüsho ju ayungbo shihcham mahsam ching khülang tüsho kenübo kheak keam.