MATHI 24:31 - AMÜSÜH HÜM CL Bible (BSI)

³¹ Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

MATHI 24:31 Iomraidhean Croise

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 67:7

Thrünpuhnü isa müngühjihbah, tüsho alomi akheambo alalanü api trebah.

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

ABEKHIT 19:16

Asam nipü yapsu müzüng kumung amo akheah kihde tsüngmuk tüsho chinchobe lakheah, tüsho hulipungpung khide achangnü müt, jumonü binkheampung ching mihtsürü alala ajan.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 42:10

Atungpuh ki khün aso khülang thsang, keto tüsho ju ching lakhi alalanü, keyean lomibo tüsho ju ching larübonü alomi akheam chingnü api shiang!

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

ZEKARIA 2:6

Wusuang, Wusuang! Dukulim lomi chingnü tsoang, Atungpuhnü thachoh; tümüde thüning lim pung phüyi nangde inü khiungke lim nüsa hiumüzütshih, Atungpuhnü thachoh.

ZEKARIA 6:5

Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MATHI 24:22

Jurü nimungbo mükhikkheamkhülaa, sheshe rhangdung mülade alabah, tüshe amokhitrübo thsülimnü jurü nimungbo khikkheamjihbah.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 24:32

“Kheakü khubasodung chingnü amütsan ha anikhitang: Küyimki adübit chinde ayü akhiukbanü, muzhu thünindo de nüsanü mükheahchoh.

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MARK 13:27

Judüki apinü nihbuh yunirübo arüshihbah, tüsho alomi akheam chingnü thüning akheam khiungde thrip phüyi chingnü apinü amokhitrübo bemukhungbah.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

1 KORINT 15:52

kim khülang ching, mükthrap khülang ching, akheam hulipungpung mütchoki labah. Tümüde hulipungpung mütbah, asherü müdükheakbe thsüde arhang kamlobah, tüsho isa alala amüthribah.

EFISIA 1:10

junangde yinmi ching tüsho alomi kheak lüpdükhi api kheak arihpü kim-khiukkhi lümkhi thsü.

YUZÜNGTHALO 30:4

Khürükhüh thüning bukkhüp ching khide limshu ching yüshih-a lasho, Atungpuh nüsa Thrünpuhnü ju chingnü nüsa bemukhunga bebah arübah.

YUZÜNGTHALO 4:32

“Kheakü nüsa müngüh lakhi ahokhi nimungbo, Thrünpuhnü alomi kheak mihtsürü thrünkhi nimungnü rünbah lümakheahang, tüsho hadürü ato dünjikhi yungsho sodüshi musonü thüning akheamnü khülim khiungde keoa kheahang.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

2 TESALONIKA 2:1

Keoniorübo, kheakü isa Atungpuh Jisu Khrista arüpü tüsho api shorupü isa mukhungpü dünkheaknü isanü nüsa ki mushuchoh,

IBRI 12:19

hulipungpung lim yungsho asorünü mushubah arü ki müthalopü düsheak lim,

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 7:1

Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü.

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.