MATHI 24:15 - AMÜSÜH HÜM CL Bible (BSI)

¹⁵ “Jumonü küyimki nüsanü, Daniel wukihrü hode athakhi athsümünimshihbe athraneanbe amüsüh dangpung ching zhipde angübanü–akherünü anikhitshang–

MATHI 24:15 Iomraidhean Croise

JEREMIA 44:29

Ha nüsa ki amütsan labah, Atungpuhnü thachoh, inü nüsa ha dangpung chingnü thsümüchibah, ju hode nüsa azhihde I yubo tsükjide arhimobah de nüsanü mükheahbah:

EZEKIEL 40:4

Mihtsürünü I ki tha, “Mihtsürü tsührü, kheahkihde kheahang tüsho tsüde aniang, tüsho inü nü ki huhkhi alala kheak nü lümkhi zoang, tümüde inü ha nü ki huhpü thsüde nü ha ching bedarükheah; nünü angükhi alala Israel yamkhün ki thaang.”

DANIEL 1:6

Arü bolung ju Juda trük chingnü Daniel, Hanania, Mishael, tüsho Azaria lakheah.

DANIEL 11:31

Apinü bonungrübo bemukhungkhinü arüngyam le chipi müneanjihbah. Arünü mutukzhakde taka kingaünkhi tukloshihbah tüsho athraneanbe mihtrebe zhipshihbah.

DANIEL 12:11

Mutukzhakde athraneanbe mihtrebe lakhi kimnü rünbah nimung 1290 labah.

DANIEL 9:23

Nü tamkhüntamnü tankihchoki, nü ki alojih, ju nü ki thapü I arüchoh tümüde nü khide muzhodakkhi lah. Jumonü thiyusheak lümakheahang tüsho michih anikhitang.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

DANIEL 9:27

Apinü mihtsürübo ahihdo kheak kam thüne düküngde thiyuchihchimkhi khülang labah, tüsho küyimki ha kim thripkhüh hobanü, apinü laksah-a kingaünkhi tüsho kingaünbo kheamshihbah. Athsümünimbe mihtrebe ju arüngyam ku kheak labah tüsho ha ju kheak akheam marüchoki khiungde alabah.”

MATHI 24:16

judüki Judea ching larü müzüngbo ching tsoshang.

MARK 13:14

“Tüshe küyimki nüsanü ‘adükheakshihpü athraneanbe’ Daniel wukihrünü athakhi amüzhippung ching zhipde angübanü–akherünü anikhitang–judüki sherü Judea ching lanü müzüngbo ching tsoang.

LUKNÜ ATHRÜTKHI THIYUSHEAK-ATSÜ HUHTANYU 19:43

Nü riribonü nü mükamde chipi ayünde tüsho thrip aban zündopü nimungbo arübah,

LUKNÜ ATHRÜTKHI THIYUSHEAK-ATSÜ HUHTANYU 21:20

“Tüshe küyimki Jirusalem ju bonungrünü zündoa nüsanü angübanü athsümünim thünindo de mükheahang.

JOHAN 11:48

Isanü hanangde azuzu thsüshihsho, mihbüm abannü api kheak kinbah, tüsho Romrünü arübah isa lapung tüsho trükshih lude atsobah.”

YUNIRÜBO RHIMO 21:28

Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.”

YUNIRÜBO RHIMO 6:13

Arünü arükchih thiyumütsan jihde tha, “Ha mihtsürünü kamruhroro isa amüsüh arüngyam tüsho Mosa yakzan azhihde athapü mutuklo;

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

AMIKHEAKAKHIUKKHI 1:3

Shepünü müchitkhi yubo achangnü khechonü asühpü, tüsho sherünü anicho, tüsho sherünü ju ching thrütkhi mihyuanichonü asühpü; tümüde kim thüninde lah.

AMIKHEAKAKHIUKKHI 3:22

Shepü nükhün kihlanü, Menü borübo ki tümü thachonü apinü aniang.’ ”