MATHI 23:9 - AMÜSÜH HÜM CL Bible (BSI)

⁹ Tüsho alomi ching mihtsürü she ki she abuh de düji, tümüde yinmi ching nüsa Abuh khülang lah.

MATHI 23:9 Iomraidhean Croise

2 KIULONG THSÜRÜ 13:14

Kheakü küyimki Elisha ashepü thsüde ayapkhea, Israel kiulongthsüpuhnü api kilim tripde zhi, “Abuh, Abuh! Israel khora-lolungbebo tüsho khoraberübo!”

2 KIULONG THSÜRÜ 2:12

Elishanü kheahde la tüsho zhi, “Abuh, Abuh! Israel khora-lolungbebo tüsho khoraberübo!” Tüshe küyimki apinü anihbuh müngükhukde akamkhea, apinü nihbuh khimmihbo thrüa lu tüsho mahne thsüde thorüp.

2 KIULONG THSÜRÜ 6:21

Küyimki Israel kiulongthsüpuhnü arü ngükhea, apinü Elisha ki tha, “Abuh, inü arü laksahanü de? Inü arü laksahanü de?”

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MATHI 23:10

Yungsho limberü de düji, tümüde nüsa limberü khülang Khrista lah.

MATHI 6:32

Tümüde amükinrübonü harü alala dunglim müshamchoh, tüsho nüsa jurü yihnüpü lah de yinmi ching nüsa Abuhnü mükheahlah.

MATHI 7:11

Jumonü nüsa mütsüde zobah nüsa tsührübo kilim thsambahbo atsü jihpü mükheahlasho, yinmi ching nüsa Abuhnü api ki kheangrü kilim küdükhüh she atsübo müjihpü!

YUNIRÜBO RHIMO 22:1

“I keoniorü Israelrübo, kheakü nüsa miki inü alim thakhi anijang.

1 KORINT 4:15

Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.