MATHI 23:8 - AMÜSÜH HÜM CL Bible (BSI)

⁸ Tüshe nüsa ki a thsangyurü de müji, tümüde nüsa thsangyurü khülang lah, tüsho nüsa alala keoniorü ah.

MATHI 23:8 Iomraidhean Croise

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 23:10

Yungsho limberü de düji, tümüde nüsa limberü khülang Khrista lah.

MATHI 23:7

arünü yinzüyindo dangpungbo ching salüm jihshihpü tüsho mihtsürübonü arü ki thsangyurü de jishihnechoh.

MATHI 26:25

Judüki api yinatsühpü lakhi Judanü tha, “Thsangyurü, ju I a shi?” Apinü anihbuh ki tha, “Nünü thado.”

MATHI 26:49

Judüki apinü niokheamde Jisu kilim yü tüsho tha, “Salüm, Thsangyurü!” tüsho api müthsüp.

MARK 10:51

Tüsho Jisunü api ki tha, “Inü nü thsungkheak tümü rhimoshihnela?” Müktukkhi mihtsürünü api ki alo, “Thsangyurü, inü ngünelah.”

MARK 11:21

Tüsho Peternü lümkhitde api ki tha, “Thsangyurü, kheahang! Nünü athrukhi khubasodung thsü yiuh-a lah.”

MARK 14:45

Tüsho api arü müleangnü, apinü nahde wutubah api ki tha, “Thsangyurü, Thsangyurü!” tüsho api müthsüp.

MARK 9:5

Judüki Peternü alo tüsho Jisu ki tha, “Thsangyurü, isa ha ching lapü tsülah; tüsho isanü khimyam mahsam: khülang nü thsungkheak, khülang Mosa thsungkheak, tüsho khülang Elija thsungkheak thsanü.”

LUKNÜ ATHRÜTKHI THIYUSHEAK-ATSÜ HUHTANYU 22:32

Tüshe nü akin mayopü thsüde inü nü thsungkheak tamkhüntamnü; tüsho küyimki nü I kilim rholobanü nü keoniorü reangzahshang.”

JOHAN 1:38

Judüki Jisunü rholo tüsho ane api dunglim yande ngübah tha, “Nüke tümü yimcho?” Anenü api ki tha, “Rabbi (amütsan Thsangyurü), nü küching lacho?”

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

JOHAN 11:8

Jingyanrübonü api ki tha, “Thsangyubuh, kheakü lang Jihudarünü nü kingpü yimdo, tüsho nüa ju ching alode ayüba de?”

JOHAN 20:16

Jisunü alibe ki tha, “Mari!” Alibenü rholo tüsho api ki alo, “Rabboni!” (amütsan Thsangyurü).

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 3:26

Arünü Johan ki arübah tha, “Thsangyurü, Jordan hobah nü lung labuh nünü thiyumütsan jihbuh thsü kheahang, apinü baptichoh, tüsho alala api kilim arüchoh!”

JOHAN 4:31

Ju kim ching jingyanrübonü mushude api ki tha, “Rabbi, tsühyungang.”

JOHAN 6:25

Tüsho arünü api keto thripkhüh ngübah tha, “Rabbi, nü ha ching küyimki arükhea?”

JOHAN 9:2

Tüsho api jingyanrübonü api ki keokhi, “Rabbi, api mük tuka zübekhi ju ha mihtsürünü a shi api berübuhrünü neak yihbeakkhea?”

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

EFISIA 3:15

shepü kilimnü yinmi ching tüsho alomi kheak yamkhün aban mung jia la,

PHILEMON 1:16

kheaküa azhorü yung tüshe azhorü kheaknü alübe, adungto thsüde I ki amuzhokhi keoniorü lah tüshe shih tüsho Atungpuh lung nü ki küdükhüh laba.

JAKOB 3:1

I keoniorübo, nüsa ahihkhüh thsangyurü dükam, tümüde isa sherünü thsangyuchonü atobenü müküpde thiyukhapbah de nüsanü mükheahlah.

1 PETER 5:3

nüsa bukkhüp zojihkhi junode yung, tüshe namfimihnu boto ki amütsan laang.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”