MATHI 23:7 - AMÜSÜH HÜM CL Bible (BSI)

⁷ arünü yinzüyindo dangpungbo ching salüm jihshihpü tüsho mihtsürübonü arü ki thsangyurü de jishihnechoh.

MATHI 23:7 Iomraidhean Croise

MATHI 11:16

“Inü ha lün tümü kheak akeba? Arübo yinzüyindo dangpung ching azürübo arü müyamrübo ki jide abinkhi nangde lah,

MATHI 23:8

Tüshe nüsa ki a thsangyurü de müji, tümüde nüsa thsangyurü khülang lah, tüsho nüsa alala keoniorü ah.

MATHI 26:25

Judüki api yinatsühpü lakhi Judanü tha, “Thsangyurü, ju I a shi?” Apinü anihbuh ki tha, “Nünü thado.”

MATHI 26:49

Judüki apinü niokheamde Jisu kilim yü tüsho tha, “Salüm, Thsangyurü!” tüsho api müthsüp.

MARK 10:51

Tüsho Jisunü api ki tha, “Inü nü thsungkheak tümü rhimoshihnela?” Müktukkhi mihtsürünü api ki alo, “Thsangyurü, inü ngünelah.”

MARK 11:21

Tüsho Peternü lümkhitde api ki tha, “Thsangyurü, kheahang! Nünü athrukhi khubasodung thsü yiuh-a lah.”

MARK 12:38

Judüki apinü thsangyude arü ki tha, “Yakzan thsangyurübo, sherünü amükeam khim yihbah mühide ayüpü, shothsümolo dangpungbo ching asühkhi yu muzhochonü arü dünkheak kümkangang,

MARK 14:45

Tüsho api arü müleangnü, apinü nahde wutubah api ki tha, “Thsangyurü, Thsangyurü!” tüsho api müthsüp.

MARK 9:5

Judüki Peternü alo tüsho Jisu ki tha, “Thsangyurü, isa ha ching lapü tsülah; tüsho isanü khimyam mahsam: khülang nü thsungkheak, khülang Mosa thsungkheak, tüsho khülang Elija thsungkheak thsanü.”

LUKNÜ ATHRÜTKHI THIYUSHEAK-ATSÜ HUHTANYU 11:43

Nüsa Pharisirübo are! Tümütüsho nüsanü sinagog ching binkiu atsübe tüsho yinzüyindopung ching salüm jihshihpü mürühchoh.

JOHAN 1:38

Judüki Jisunü rholo tüsho ane api dunglim yande ngübah tha, “Nüke tümü yimcho?” Anenü api ki tha, “Rabbi (amütsan Thsangyurü), nü küching lacho?”

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

JOHAN 11:8

Jingyanrübonü api ki tha, “Thsangyubuh, kheakü lang Jihudarünü nü kingpü yimdo, tüsho nüa ju ching alode ayüba de?”

JOHAN 20:16

Jisunü alibe ki tha, “Mari!” Alibenü rholo tüsho api ki alo, “Rabboni!” (amütsan Thsangyurü).

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 3:26

Arünü Johan ki arübah tha, “Thsangyurü, Jordan hobah nü lung labuh nünü thiyumütsan jihbuh thsü kheahang, apinü baptichoh, tüsho alala api kilim arüchoh!”

JOHAN 4:31

Ju kim ching jingyanrübonü mushude api ki tha, “Rabbi, tsühyungang.”

JOHAN 6:25

Tüsho arünü api keto thripkhüh ngübah tha, “Rabbi, nü ha ching küyimki arükhea?”

JOHAN 9:2

Tüsho api jingyanrübonü api ki keokhi, “Rabbi, api mük tuka zübekhi ju ha mihtsürünü a shi api berübuhrünü neak yihbeakkhea?”