MATHI 23:34 - AMÜSÜH HÜM CL Bible (BSI)

³⁴ Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MATHI 23:34 Iomraidhean Croise

2 KIULONG THSÜRÜ 21:10

Atungpuhnü api yamlarü wukihrübo hode tha,

2 KIUTHSÜYUKHEAN 24:21

Tüshe arünü api azhihde mülapyukde rhimo, tüsho kiulongthsüpuh yukhüm hode arünü api Atungpuh yam khikzhakpung chingnü rusah.

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

JEREMIA 26:8

Tüsho küyimki Atungpuhnü mihtsürübo alala ki asukpü Jeremia ki thiyukhüm jihkhi alala bankhea, amükeamrü le wukihrü tüsho mihtsürü alalanü api ramlobah tha, “ Nü ashepü tsütsü!

JEREMIA 36:26

Tüsho kiulongthsüpuhnü kiulongthsürü tsührü Jerameel, Azriel tsührü Seraia tüsho Abdeel tsührü Shelemia, athrütbuh Baruk tüsho wukihbuh Jeremia rampü thiyukhüm jih. Tüshe Atungpuhnü ane ramabah.

MATHI 10:23

Küyimki nüsa kiuto khülang ching thsümüchibanü, püpü khülang ching akhinang. Mihtsürü Tsührü marüchoki Israel kiuto alala ching nüsa rhimo mübande alabah.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 23:31

Jumonü nüsa ju wukihrübo laksahrü tsührübo ah de nüsa azhihde nüsa thiyumütsanbo lah.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 11:27

Ju kim ching wukihrübo Jirusalem chingnü Antiok ching aki.

YUNIRÜBO RHIMO 12:2

Apinü Johan akhiung Jakob nukshangnü laksah;

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 15:32

Juda tüsho Sila, wukihrübo a le thiyu ahihdonü keoniorübo tuthsukde düküngshih.

YUNIRÜBO RHIMO 5:40

Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih.

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

1 KORINT 3:10

Thrünpuh amüthsüm I kilim jihkhi ayannü, athsüsorü khülang nangde inü khimtan thsü, tüsho püpürü mihtsürünü ju kheak thsükihchoh. Mihtsürü abannü künangde apinü ju kheak thsükihchonü kümkangang.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

IBRI 11:37

Arübo lungnü rusah, arübo mahne thsüde rhütshak, arübo nukshangnü laksah; arübo zhochihde, thsümüchide, tüsho mükhemükimde namfimihnubo tüsho mihnubo küpbo phuyubah rümde yü.

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.