MATHI 23:23 - AMÜSÜH HÜM CL Bible (BSI)

²³ “Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

MATHI 23:23 Iomraidhean Croise

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

ISAIA 28:25

Küyimki apinü amiküp wochakarihbanü, apinü ningpürang mühiu de, khiungün müyang de, tüsho wheat hi aru thsüde mükhim de, tüsho barli hi ayangpung ching müyangcho de, tüsho are yean lim hi püpü müyangcho de?

JEREMIA 22:3

Atungpuhnü ha thachoh: Thiyuro tüsho thiyurolungkinü rhimoang, tüsho rükyuka larü ajunorü khah chingnü bekhitang. Tüsho amülim düthsü, yungsho khiungkerü, mürerü, tüsho khimoberü ki athsümünim düla, yungsho ha dangpung ching amülim mülarü thiyih dübuk.

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

LEVI 27:30

Alo chingnü akhiukkhi thürü shihcham alala, hi yungsho sangaso thsüthsü, Atungpuh yo ah. Ha Atungpuh kilim amüsüh lah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MATHI 12:7

Tüshe nüsanü, ‘Inü laksah-a kingaünkhi yungde mihmuzho lunelah,’ dükhi amütsan mükheahkhülaa, nüsanü amülim mülarü mübahyuk.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

LUKNÜ ATHRÜTKHI THIYUSHEAK-ATSÜ HUHTANYU 11:42

“Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 18:12

Inü amu-khip khülang dükeak ching mahne ki khümkeak thsüchoh; I lakhi alala chingnü inü thürü shihcham jihchoh.’

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.