MATHI 22:5 - AMÜSÜH HÜM CL Bible (BSI)

⁵ Tüshe arünü ju süpsüpde lüm tüsho khülangnü nihbuh lu ching tüsho püpürünü nihbuh rhimo ching de yüabah.

MATHI 22:5 Iomraidhean Croise

THRÜNTAN 19:14

Jumonü Lotnü wukhiuk tüsho atsührübebo lurü api tsühmeakrübo ki tha, “Asürang, ha dangpung chingnü wukhiukang; tümüde Atungpuhnü ha kiuto dükheakshihbah!” Tüshe apinü keangrüchoh de atsühmeakbonü lüm.

THRÜNTAN 25:34

Tüsho Jakobnü Esau kilim yikhap le hühkeang wo jih; tüsho apinü tsühyungbah nihbuh limro yü. Hanangde Esaunü anihbuh zübekhi-alim mükhemükim thsü.

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 22:4

Kheaküshe apinü yamlarü püpürü thiyia yüshih, ‘Ajiyukrübo ki thaang, “Kheahang, inü jimpung thsakhamlah; I moshipungbo tüsho ashih-kihkhi moshibo laksahdo, tüsho lüpdükhi thsakhamlah. Arhangrü thünio ching arang.”

MATHI 22:6

Aningkhinü api yamlarübo rama shik tüsho arü laksah.

JOHAN 2:16

Tüsho apinü müthrithrümpü yinrübo ki tha, “Harü lubah tsoang! I Buh yam ju yinzüyindo yam dükamshih!”

YUNIRÜBO RHIMO 2:13

Püpürünü keangrümünede tha, “Arübo yukhunü müshanga lah.”

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

ROMRÜ KILIM PAULNÜ ATHRÜTKHI KIHÜM HUHTANYU 8:6

Shih kheak mulong zokhi ju ashekhi, tüshe Me kheak mulong zokhi ju rhangdung tüsho mungtsü.

2 TIMOTHI 3:4

rükmütsü, adüngakhi mülakhi, shilode alümrü, Thrünpuh muzhorü yungde shihkünkhi muzhorü,

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.