MATHI 22:16 - AMÜSÜH HÜM CL Bible (BSI)

¹⁶ Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

MATHI 22:16 Iomraidhean Croise

1 KIULONG THSÜRÜ 22:14

Tüshe Mikaianü tha, “Atungpuh lale, tümüpürü Atungpuhnü I ki thachonü, inü athabah.”

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MÜCHITMUDU 29:5

Mihtsürü shepünü api yamhingrü mülapyukchonü anihbuh jing thsungkheak azheang zochoh.

MALAKI 2:6

Thiyuro yakzan api mün ching lakheah, tüsho api münküp kheak amülim tümü müngü. Apinü azhihayih tüsho alungki ching I lung tsah, tüsho apinü ahihkhüh amülim chingnü rholoshih.

MALAKI 2:9

jumonü inü nüsa mihtsürü alala miki khenoshih tüsho abobe kamshih, tümütüsho nüsanü I limrobo müyan tüshe nüsa yakzan ching jakkheahdo.

MATHI 22:24

Arünü tha, “Thsangyurü, mihtsürü khülang tsührü mülade shesho, aniurünü aniube ju alubah tüsho api thsung thsüde tsührübo lashihbah de Mosanü isa ki thakheah.

MATHI 22:26

Mahnepü le mahsampü tüsho athünepü khiungde ju ruk dünji.

MATHI 26:18

Tüsho apinü tha, “Kiuto ching mihtsürü khürü ki yübah thaang, ‘Thsangyurünü thachoh, “I kim thüninde lah; I jingyanrübo tüsho inü nü yam ching phungho-thünio labah.”’”

MATHI 26:49

Judüki apinü niokheamde Jisu kilim yü tüsho tha, “Salüm, Thsangyurü!” tüsho api müthsüp.

MARK 10:17

Jisu api limro ching yüde lachoki, mihtsürü khülang alihde arübah amiki khukning, tüsho keokhi, “Thsangyurü atsü, akheam müla rhangdung yamrüplurüp lupü inü tümü rhimobea?”

MARK 12:13

Judüki arünü Pharisirü tüsho Herod borü khürü api yu rük rampü anihbuh kilim yüshih.

MARK 12:14

Küyimki arübo arükhea, arünü api ki tha, “Thsangyurü, nü a thiyuro tüsho nünü mihtsürü kheyuka müla, tüshe thiyuro ching Thrünpuh limro thsangyuchoh de isanü mükheahlah. Isanü Kaesar kilim ruk jihpü yakzan la shi müla?

MARK 3:6

Judüki Pharisirübonü wukhiuk tüsho Herod jingyanrübo bebah küde thsübah api laksahbanü api azhihde rük yim.

MARK 8:15

Judüki apinü arü neangneangde tha, “Aniang, Pharisirü tüsho Herod phaüm dünkheak kümkangang.”

LUKNÜ ATHRÜTKHI THIYUSHEAK-ATSÜ HUHTANYU 20:21

Tüsho arünü api ki keokhi, “Thsangyurü, nünü alungki thade thsangyuchoh, tüsho jakmükheah, tüshe thiyuronü Thrünpuh limro thsangyuchoh de isanü mükheahlah:

LUKNÜ ATHRÜTKHI THIYUSHEAK-ATSÜ HUHTANYU 7:40

Tüsho Jisunü api ki alojihde tha, “Simon, inü nü ki tümüanü athapü lah.” Apinü alo, “Ju tümü a, Thsangyurü?”

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

GALATIA 2:6

Sherü adungto nangde lanü, arü küruk küruk lalashe I kheaknü tümü büthsüde müla; Thrünpuhnü aleanglim kheahde mahmükhapchoh–jurü mihtsürübonü I athsunganah aso tümü she müjih.

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.