MATHI 21:5 - AMÜSÜH HÜM CL Bible (BSI)

⁵ “Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

MATHI 21:5 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 16:2

Kiulongthsüpuhnü Ziba ki tha, “Tümüde nünü harü hande arükhea?” Zibanü alo, “Donkibo ju kiulongthsüpuh yamkhün binshihpü thsungkheak, yikhap tüsho muzhu-sangaso ju athrününgtsüngbo tsühshihpü thsungkheak tüsho yukhu ju sunglo ching keaka yaprü yungshihpü thsungkheak.”

1 KIULONG THSÜRÜ 1:33

kiulongthsüpuhnü arü ki tha, “Nüsa lung nüsa tungpuh yamlarübo bebah yüang tüsho I yo khoranunu kheak I tsührü Solomon binshihbah api Gihon ching bebah akiang.

1 KIULONG THSÜRÜ 10:26

Solomonnü khora-lolungbe tüsho khorabo bemukhung; khoralolungbe kiutobo tüsho Jirusalem ching zokhi api yo khora-lolungbe 1400 tüsho khora 12,000 lakheah.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 62:11

Atungpuhnü alomi akheam khiungde zhiyukdo: Zion tsührübe ki thaang, “ Kheahang, nü khümkhitbuh arado; api thsambah anihbuh lung lah tüsho apinü bekhitrü api müngüh belah.”

EZEKIEL 34:24

Tüsho I Atungpuh ju arü Thrünpuh thsübah, tüsho I yamlarü David ju arü bolung yakzanshuhrü thsübah; I, Atungpuhnü asukdo.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

WÜHKHE 24:19

Jakob kheaknü yakzanshuhrü khülang akhiukbah, tüsho kiuto ching aninga larübo thsümünimjihbah.”

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

MATHI 2:2

tüsho keokhi, “Jihudarü kiulongthsüpuh zübekhi ju küching la? Isanü api chining aniakhiuklim ngüdo tüsho api kingaünpü arükheah.”

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

MATHI 21:6

Jingyanrübonü yü tüsho Jisunü arü ki thakhi nangde rhimo.

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

YUZÜNGTHALO 17:16

tüshe kiulongthsüpuhnü anihbuh bonungrü thsungkheak khora hihde mubushihbeah, tüsho apinü mihtsürübo khora thulopü Ijip ching müyüshihbeah, tümütüsho api mihtsürü küyimkishe ju ching alode müyüshihpü Atungpuhnü thado.

MAHKHAPRÜ 12:14

Atsührü 40 tüsho tsührü-tsührü 30, donki 70 kheak binrü lakheah. Apinü kam tizheah Israel mahkhap.

MAHKHAPRÜ 5:10

Ha thaang, nüsa sherü donki amüyebo kheak binla, nüsa sherü alarü pheak kheak binla tüsho nüsa sherü limro ching tsahcho.