MATHI 21:31 - AMÜSÜH HÜM CL Bible (BSI)

³¹ Mahne bolung shepünü abuhnü alümkhi rhimokhea?” Arünü alo, “Akhuhbuhnü.” Jisunü arü ki tha, “Atsütsü inü nüsa ki thachoh, ruk-threrü tüsho müzammüramrübo nüsa müngühnü Thrünpuh kiulongthsü ching yüchoh.

MATHI 21:31 Iomraidhean Croise

JOB HU H T ANYU 15:6

Nü münnü nü bahyukchoh tüsho I yung; nü münküpnü nü azhihde thiyumütsan jihchoh.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

MATHI 12:50

Tümütüsho sherünü yinmi ching I Buh lümkhi rhimochonü I khiung, I chi tüsho I be ah.”

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

MATHI 20:16

Junangde ashurü ju akhuhrü kambah, tüsho akhuhrü ju ashurü kambah.”

MATHI 21:30

Tüsho apinü mahnepü ki yübah ju ruk tha; tüsho apinü alo, ‘He, atobuh,’ tüshe apinü müyü.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MATHI 5:46

Nüsa muzhorü ki nüsanü muzhosho, nüsa tümü thsambah ngüba? Ruk-threrübonü jude rhimochoh yung de?

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

MATHI 7:21

“Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

MATHI 9:9

Jisu ju chingnü yüde alachoki, apinü ruk-threyam ching Mathi binde ngü. Apinü anihbuh ki tha, “I dunglim yanang.” Tüsho apinü asürübah api dunglim yan.

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 19:22

Tüsho apinü anihbuh ki tha, ‘Nü mihbukmuyuk yamlarü, nü yunü nü mahkhapbah.

LUKNÜ ATHRÜTKHI THIYUSHEAK-ATSÜ HUHTANYU 7:29

Küyimki arünü ha sokhea, mihtsürü alala tüsho ruk-threrübonü Thrünpuh alim mütsana lu, tümütüsho arübo ju Johannü baptijihkheah;

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 5:20

Alakmihkhi alü kamshihpü yakzan arü, tüshe küching neak alü kamchonü mihmüthsüm alü kamchoh,

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.