MATHI 21:26 - AMÜSÜH HÜM CL Bible (BSI)

²⁶ Tüshe isanü, ‘Mihtsürübo kilimnü,’ de thasho, isanü boto trelah, tümütüsho alalanü Johan ju wukihrü khejihde lah.”

MATHI 21:26 Iomraidhean Croise

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

MATHI 11:9

Tüshe nüsa tümü kheahpü yükhea? Wukihrü khülang a shi? Am, inü nüsa ki thachoh, tüsho wukihrü kheaknü alü ah.

MATHI 14:5

Herodnü Johan laksahpü künde alakheah, tüshe apinü mihtsürübo tre, tümütüsho arünü api ju wukihrü khede alakheah.

MATHI 21:11

Tüsho botonü alo, “Ha Galilee ching lakhi Nazareth chingnü wukihrü Jisu ah.”

MATHI 21:25

Johannü baptikhi ju küchingnü a? Yinmi chingnü a shi mihtsürübo kilimnü a?” Tüsho arünü arü bolung lümde thaachih, “Isanü, ‘Yinmi chingnü,’ de thasho, apinü isa ki thabah, ‘Dale tüsho tümüde nüsanü api mükinkhea?’

MATHI 21:27

Jumonü arünü Jisu ki alo, “Isanü mümükheah.” Tüsho apinü arü ki tha, “Dale tüsho tümü thiyukhümsühmüh hode inü harü rhimochonü inü nüsa ki mütha.

MATHI 21:46

Tüshe arünü api rampü mürangchoki, arünü botobo tre, tümütüsho arünü api ju wukihrü khülang khejih.

MARK 11:32

Tüshe arünü mihtsürü kilimnü de athapü she mihtsürübo tre, tümüde alalanü Johan ju wukihrü khejih.”

MARK 12:12

Tüsho arünü api rampü rük yim, tümütüsho apinü arü azhihde shihdanglimyu thado de arünü mükheah. Tüshe arünü boto trede alakheah; jumonü arünü api bahjihbah tsoabah.

MARK 6:20

tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 20:6

Tüshe isanü, ‘Mihtsürü kilimnü’ de thasho mihtsürü alalanü isa lungnü arubah, tümüde Johan ju wukihrü khülang lakheah de arünü kinlah.”

LUKNÜ ATHRÜTKHI THIYUSHEAK-ATSÜ HUHTANYU 22:2

Tüsho amükeam putungrübo tüsho yakzan thsangyurübonü api laksahpü rük yim, tümüde arünü mihtsürübo trede alakheah.

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

JOHAN 9:22

Jihudarü tremonü api bebuhrünü jude athakheah, tümüde shepünü api ju Khrista ah de athabanü sinagog chingnü api yankhitbah de Jihudarünü münrüna lakheah.

YUNIRÜBO RHIMO 5:26

Tüshe wühkenobuhnü atorübo bebah yü tüsho arübo amütsü müthsüde bedarü, tümüde arübo mihtsürübonü lungnü arupü tre.