MATHI 21:23 - AMÜSÜH HÜM CL Bible (BSI)

²³ Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

MATHI 21:23 Iomraidhean Croise

ABEKHIT 2:14

Mihtsürü junü alo, “Shepünü nü isa kurungkheak yakzanshuhrü tüsho mahkhaprü kamshihkhea? Nünü Ijipbuh laksahkhi ruk thsü I she alaksahpü lümcho de?” Judüki Mosanü tre tüsho lüm, “Inü arhimokhi mükheahabahdo.”

MATHI 20:4

tüsho arü ki tha, ‘Nüsa she kurungasolu ching yüang, tüsho tümü dünbanü inü nüsa kilim jihbah.’ Tüsho arünü yü.

MATHI 21:24

Tüshe Jisunü arü ki alo tüsho tha, “Inü she nüsa ki khülang keokhianü, ju nüsanü I ki thasho tümü thiyukhüm-sühmüh hode harü rhimochonü inü nüsa ki thabah:

MATHI 24:1

Judüki Jisunü wukhiukbah arüngyam chingnü chamachih, tüsho api jingyanrübonü anihbuh ki arüngyam huhpü arü.

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 20:1

Nimung khülang apinü arüngyam ching mihtsürübo thsangyude tüsho thiyusheak-atsü thsangyuthsangrade alachoki, amükeam putungrübo tüsho yakzan thsangyurübonü azothsürübo lung thsürubah Jisu shoru.

YUNIRÜBO RHIMO 4:7

Arünü arübo arü müngüh zhipshihbah keokhi, “Tümü wunü yungsho tümü mung hode nüsanü ha rhimokhea?”

YUNIRÜBO RHIMO 7:27

Tüshe shepünü api yamhingbuh müneahde alakheanü Mosa nima bahde tha, ‘Shepünü nü isa kurungkheak yakzanshuhrü tüsho mahkhaprü kamshihkhea?